ກອງປະຊຸມສຳມະນາກ່ຽວກັບທະເລຕາເວັນອອກຢູ່ອາເມລິກາ

ກອງປະຊຸມສຳມະນາປະຈຳປີກ່ຽວກັບທະເລຕາເວັນອອກຄັ້ງທີ 6 ຖືກດຳເນີນໃນວັນທີ 12/07, ຢູ່ສຳນັກງານສູນຄົ້ນຄວ້າຍຸດທະສາດ ແລະ ສາກົນ (CSIS) ຢູ່ນະຄອນວໍຊິງຕັນ, ປະເທດອາເມລິກາ.

ກອງປະຊຸມສຳມະນາກ່ຽວກັບທະເລຕາເວັນອອກຢູ່ ອາເມລິກາ
(ພາບ: ສຳນັກຂ່າວສານ ຫວຽດນາມ)

(vovworld) - ກອງປະຊຸມສຳມະນາປະຈຳປີກ່ຽວກັບທະເລຕາເວັນອອກຄັ້ງທີ 6 ຖືກດຳເນີນໃນວັນທີ 12/07, ຢູ່ສຳນັກງານສູນຄົ້ນຄວ້າຍຸດທະສາດ ແລະ ສາກົນ (CSIS) ຢູ່ນະຄອນວໍຊິງຕັນ, ປະເທດອາເມລິກາ. ກອງປະຊຸມສຳມະນາປະຈຳປີກ່ຽວກັບທະເລຕາເວັນອອກ 2016 ໄດ້ຮັບຄວາມສົນໃຈເປັນພິເສດຈາກຫາງສຽງ ຍ້ອນເຫດການນີ້ຖືກດຳເນີນພຽງແຕ່ພາຍຫຼັງທີ່ສານກຳມະການປະຈຳ (PCA) ມີສຳນັກງານຢູ່ລາໄຮ, ປະເທດໂຮນລັງ ອອກຄຳຕັດສິນກ່ຽວກັບເລື່ອງຟີລິບປີນ ຮ້ອງຟ້ອງບັນດາຄຳຖະແຫຼງປະກາດອະທິປະໄຕໄຮ້ເຫດຜົນຂອງຈີນ ຢູ່ທະເລຕາເວັນອອກ 2 – 3 ຊົ່ວໂມງເທົ່ານັ້ນ, ໃນນັ້ນຢືນຢັນການອ້າງເອົາສິດຂອງຈີນ ກ່ຽວກັບ “ບັນດາສິດປະຫວັດສາດ” ສຳລັບບັນດາເຂດນ່ານທະເລນອນໃນ “ເສັ້ນ 9 ຕອນ” ແມ່ນຝືນກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍທະເລປີ 1982 (UNCLOS). ຈີນ ບໍ່ມີ “ຖະນະໃນປະຫວັດສາດ” ສຳລັບບັນດາເຂດທະເລຢູ່ທະເລຕາເວັນອອກ ແລະ ບໍ່ມີພື້ນຖານດ້ານກົດໝາຍເພື່ອຍົກອອກບັນດາຄຳຖະແຫຼງກ່ຽວກັບ “ບັນດາສິດປະຫວັດສາດ” ສຳລັບບັນດາແຫຼ່ງຊັບພະຍາກອນທຳມະຊາດໃນ “ເສັ້ນ 9 ຕອນ”.

ໃນບົດກ່າວປາໄສເປີດສາກກອງປະຊຸມສຳມະນາ, ທ່ານສະມາຊິກສະພາສູງ Dan Sullivan ໄດ້ຊົມເຊີຍຄຳຕັດສິນຂອງ PCA ແລະ ທ່ານໃຫ້ຂໍ້ສັງເກດວ່າ, ຄຳຕັດສິນຂອງ PCA ທັງແມ່ນກາລະໂອກາດ, ທັງແມ່ນສິ່ງທ້າທາຍສຳລັບທຸກຝ່າຍທີ່ມີການຂັດແຍ້ງກັນຢູ່ທະເລຕາເວັນອອກ. ທ່ານສະມາຊິກສະພາສູງ Dan Sullivan ໄດ້ກະຕຸກຊຸກຍູ້ຈີນ ສະແດງໃຫ້ເຫັນເປັນຝ່າຍໜຶ່ງມີຄວາມຮັບຜິດຊອບໃນປະຊາຄົມສາກົນ ແລະ ເຄົາລົບຄຳຕັດສິນຂອງສານ. ກອງປະຊຸມສຳມະນາຄັ້ງນີ້ໄດ້ດຶງດູດບັນດານັກຊ່ຽວຊານ, ນັກຮຽນຮູ້ແຖວໜ້າ ແລະ ບັນດາເຈົ້າໜ້າທີ່ຂັ້ນສູງທີ່ມາຈາກ ອາເມລິກາ, ຟີລິບປີນ, ຫວຽດນາມ, ຈີນ, ຍີ່ປຸ່ນ, ໄຕຫວັນ (ຈີນ), ອົດສະຕາລີ ແລະ ມາເລເຊຍ ເຂົ້າຮ່ວມ.