​ລັດ​ຖະ​ມົນ​ຕີ​ການ​ຕ່າງ​ປະ​ເທດ ອາ​ເມ​ລິ​ກາ ​ຈະ ​ພົບ​ປະ​ກັບ​ເຈົ້າ​ໜ້າ​ທີ່​ແດນ​ມາກ ກ່ຽວ​ກັບ​ບັນ​ຫາ​ເກາະ Greenland

ທ່ານ Marco Rubio ລັດຖະມົນຕີການຕ່າງປະເທດ ອາເມລິກາ (ພາບ: REUTERS)

ວັນທີ 7 ມັງກອນ, ທ່ານ Marco Rubio ລັດຖະມົນຕີການຕ່າງປະເທດ ອາເມລິກາ ໃຫ້ຮູ້ວ່າ ທ່ານຈະພົບປະກັບບັນດາເຈົ້າໜ້າທີ່ແດນມາກ ໃນອາທິດຈະມາເຖິງ, ແຕ່ບໍ່ໄດ້ສົ່ງສັນຍານໃດທີ່ສະແດງໃຫ້ເຫັນວ່າ ອາເມລິກາ ຈະລົບລ້າງຄວາມຫວັງຢາກຄວບຄຸມເກາະ Greenland ຄືທ່ານ Donald Trump ປະທານາທິບໍດີ ອາເມລິກາ ເຄີຍປະກາດທາງການ.

ກ່ອນໜ້ານັ້ນ, ວັນທີ 6 ມັງກອນ, ທຳນຽບຂາວໃຫ້ຮູ້ວ່າທ່ານ Donald Trump ປະທານາທິບໍດີ ອາເມລິກາ ພວມປຶກສາຫາລືບັນດາວິທີການເພື່ອແນໃສ່ຍາດໄດ້ສິດຄວບຄຸມເກາະທີ່ມີທີ່ຕັ້ງຍຸດທະສາດ ຢູ່ ຂົ້ວໂລກເໜືອແຫ່ງນີ້, ໃນນັ້ນບໍ່ຍົກເວັ້ນຄວາມອາດສາມາດນຳໃຊ້ກອງທັບອາເມລິກາ, ໂດຍບໍ່ຫົວຊາຕໍ່ການຄັດຄ້ານຈາກເອີລົບ.

ເມື່ອໄດ້ຖາມກ່ຽວກັບຂໍ້ສະເໜີຂອງ ແດນມາກ ທີ່ກ່ຽວຂ້ອງການປຶກສາຫາລືສະພາບການ ເກາະ Greenland, ທ່ານ Marco Rubio ລັດຖະມົນຕີການຕ່າງປະເທດ ອາເມລິກາ ໃຫ້ຮູ້ວ່າ ທ່ານມີແຜນການພົບປະກັບບັນດາເຈົ້າໜ້າທີ່ແດນມາກ ໃນອາທິດຈະມາເຖິງ ແລະ ຈະຍົກອອກບັນຫາເກາະ Greenland ອອກມາແລກປ່ຽນໃນຈຸດເວລາທີ່ເໝາະສົມ.