ພິທີປະດັບຫຼຽນໄຊຂອງ ປະເທດຫວຽດນາມ, ປະເທດລາວ ແລະ ລາຊະອານາຈັກກຳປູເຈຍ ໃຫ້ແກ່ ບັນດາໝູ່ຄະນະແລະ ບຸກຄົນ

(VOVWORLD) - ໂດຍໄດ້ຮັບການມອບສິດຂອງປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ, ປະທານປະເທດແຫ່ງສາທາລະນະລັດປະຊາທິປະໄຕປະຊາຊົນລາວ, ເຈົ້າຊີວິດກຳປູເຈຍ, ຕອນເຊົ້າວັນທີ 20 ທັນວາ, ທີ່ ນະຄອນຫຼວງຮ່າໂນ້ຍ, ກະຊວງປ້ອງກັນປະເທດຫວຽດນາມ ໄດ້ສົມທົບກັບກະຊວງປ້ອງກັນປະເທດລາວ, ກະຊວງປ້ອງກັນປະເທດກຳປູເຈຍຈັດຕັ້ງພິທີມອບ-ຮັບຫຼຽນໄຊຂອງປະເທດຫວຽດນາມ, ປະເທດລາວແລະລາຊະອານາຈັກກຳປູເຈຍ.

ທ່ານພົນເອກໂງຊວັນລິກ ປະດັບຫຼຽນໄຊເອກະລາດຊັ້ນໜຶ່ງໃຫ້ທ່ານພົນເອກເຕ່ຍແບັງ (ພາບ: TTXVN)

ທ່ານພົນເອກເຕ່ຍແບັງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາຊະອານາຈັກກຳປູເຈຍ, ທ່ານພົນເອກຈັນສະໝອນຈັນຍາລາດລັດຖະມົນຕີກະຊວງປ້ອງກັນປະເທດລາວແລະທ່ານພົນເອກໂງຊວັນລິກລັດຖະມົນຕີກະຊວງປ້ອງກັນປະເທດຫວຽດນາມ, ເປັນປະທານຮ່ວມໃນພິທີດັ່ງກ່າວ.

ທີ່ພິທີ, ທ່ານພົນເອກໂງຊວັນລິກໄດ້ປະດັບຫຼຽນໄຊເອກະລາດຊັ້ນໜຶ່ງໃຫ້ທ່ານພົນເອກເຕ່ຍແບັງ, ຍ້ອນມີການປະກອບສ່ວນຢ່າງຕັ້ງໜ້າເຂົ້າໃນການຮ່ວມມືດ້ານປ້ອງກັນຊາດ, ປະກອບສ່ວນໃນການເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານລະຫວ່າງຫວຽດນາມ-ກຳປູເຈຍ.

ທ່ານພົນເອກຈັນສະໝອນຈັນຍາລາດ, ກໍ່ໄດ້ຮັບການມອບສິດຈາກປະທານປະເທດແຫ່ງ ສປປ ລາວປະດັບຫຼຽນໄຊອິດສະຫຼະຊັ້ນໜຶ່ງໃຫ້ ທ່ານພົນເອກໂງຊວັນລິກ, ລັດຖະມົນຕີກະຊວງປ້ອງກັນປະເທດຫວຽດນາມ;

ດ້ວຍບັນດາການປະກອບສ່ວນເຂົ້າໃນວຽກງານປັບປຸງ, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານລະຫວ່າງປະຊາຊົນແລະກອງທັບສອງປະເທດຫວຽດນາມ-ກຳປູເຈຍ, ໃນໂອກາດນີ້, ທ່ານພົນເອກໂງຊວັນລິກ ແລະ ທ່ານພົນເອກເລືອງເກື່ອງກໍ່ໄດ້ຮັບຫຼຽນໄຊມິດຕະພາບ ຊັ້ນໜຶ່ງຂອງ ຈັກກຳປູເຈຍ.