ສປປ.ເກົາຫຼີ ສືບຕໍ່ເປີດກວ້າງກຳລັງຄວາມສາມາດໃນການຜະລິດລູກສອນໄຟ ແລະ ລູກປືນໃຫຍ່

ການນຳ Kim Jong Un ໄປກວດກາບັນດາວິສາຫະກິດໃຫຍ່ຂຶ້ນກັບຂະແໜງອຸດສາຫະກຳອາວຸດຂອງ ສປປ.ເກົາຫຼີ (ພາບ: KCNA/REUTERS)

ວັນທີ 26 ທັນວາ, ສຳນັກງານຂ່າວສານສູນກາງ ສປປ.ເກົາຫຼີ (KCNA) ໃຫ້ຮູ້ວ່າ ການນຳ Kim Jong Un ໄດ້ປະກາດແຜນການກໍ່ສ້າງບັນດາໂຮງງານຜະລິດອາວຸດໃໝ່ ເພື່ອເປີດກວ້າງກຳລັງຄວາມສາມາດການຜະລິດລູກສອນໄຟ ແລະ ລູກປືນໃຫຍ່, ພ້ອມກັນນັ້ນ, ກໍ່ຮຽກຮ້ອງເພີ່ມຈຳນວນການຜະລິດ.

ກ່າວຄຳເຫັນໃນຂອບເຂດການໄປກວດກາບັນດາວິສາຫະກິດໃຫຍ່ຂຶ້ນກັບຂະແໜງອຸດສາຫະກຳອາວຸດຂອງ ສປປ.ເກົາຫຼີ, ການນຳ Kim Jong Un ເນັ້ນໜັກວ່າ “ຂົງເຂດຜະລິດລູກສອນໄຟ ແລະ ລູກປືນໃຫຍ່ຂອງປະເທດຊາດໄດ້ສວມບົດບາດແຖວໜ້າໃນວິວັດການຍົກສູງກຳລັງນາບຂູ່ສົງຄາມ”. ສະນັ້ນ, ແຜນການຜະລິດສຳລັບປີ 2026 ຕ້ອງສ້າງຂຶ້ນຕາມທິດພັດທະນາ ເພື່ອຕອບສະໜອງບັນດາຄວາມຮຽກຮ້ອງຂອງໜ້າທີ່ສຳລັບກຳລັງລູກສອນໄຟ ແລະ ປືນໃຫຍ່ ສປປ.ເກົາຫຼີ ໃນໄລຍະຈະມາເຖິງ.