ທ່ານນາຍົກລັດຖະມົນຕີ ຟ້າມມິງຈິງ ໃຫ້ການຕ້ອນຮັບທ່ານ Marc Knapper ເອກອັກຄະລັດຖະທູດ ອາເມລິກາ ປະຈຳ ຫວຽດນາມ (ພາບ: VOV)

ທີ່ການຕ້ອນຮັບຢູ່ສຳນັກງານລັດຖະບານ (ຮ່າໂນ້ຍ), ທ່ານນາຍົກລັດຖະມົນຕີ ຢັ້ງຢຶນວ່າ ຫວຽດນາມ ປາດຖະໜາຢາກສືບຕໍ່ປັບປຸງການພົວພັນຄູ່ຮ່ວມມືຍຸດທະສາດຮອບດ້ານກັບ ອາເມລິກາ.

ທ່ານນາຍົກລັດຖະມົນຕີ ເນັ້ນໜັກວ່າການຮ່ວມມືເສດຖະກິດ ການຄ້າແມ່ນເສົາຄ້ຳສຳຄັນຂອງການພົວພັນສອງຝ່າຍ, ທ່ານຕີລາຄາສູງບົດບາດຂອງທ່ານເອກອັກຄະລັດຖະທູດ Knapper ໃນການເປີດຕະຫຼາດໃຫ້ແກ່ສິນຄ້າສອງຝ່າຍ, ຊຸກຍູ້ບັນດາວິສາຫະກິດ ອາເມລິກາ ເພີ່ມທະວີການລົງທຶນ, ເປິດກ້ວາງການເຄື່ອນໄຫວຢູ່ ຫວຽດນາມ.

ທ່ານນາຍົກລັດຖະມົນຕີ ສະແດງຄວາມເຊື່ອໝັ້ນວ່າ ສອງຝ່າຍຈະສິ້ນສຸດການເຈລະຈາສັນຍາການຄ້າສະສົມ, ຍຸຕິທຳ ແລະ ມີຄວາມດຸ່ນດ່ຽງ, ສ້າງພື້ນຖານສະຖຽນລະພາບ ໃຫ້ແກ່ສະພາບແວດລ້ອມແຫ່ງການດຳເນີນທຸລະກິດ, ນຳມາເຊິ່ງຜົນປະໂຫຍດຢ່າງແທ້ຈິງໃຫ້ແກ່ວົງຄະນະຍາດວິສາຫະກິດສອງປະເທດ.

ສ່ວນທ່ານເອກອັກຄະລັດຖະທູດ ອາເມລິກາ ມີຄວາມເປັນເອກະພາບວ່າສອງຝ່າຍຕ້ອງສືບຕໍ່ເປີດກວ້າງການຮ່ວມມືໃຫ້ຫຼາຍກ່ວາອີກ ໃນບັນດາຂົງເຂດຫຼັກແຫຼ່ງ, ຄື: ການເມືອງ ການຕ່າງປະເທດ, ການປ້ອງກັນຊາດ, ປ້ອງກັນຄວາມສະຫງົບ, ການຄ້າ, ການລົງທຶນ, ພະລັງງານ, ມະນຸດສະທຳ ແລະ ແກ້ໄຂຜົນຕາມມາຈາກສົງຄາມ, ວິທະຍາສາດ, ເຕັກໂນໂລຢີ, ບຳລຸງສ້າງແຫຼ່ງຊັບພະຍາກອນນະນຸດ…