ວົງ​ຄະ​ນະ​ຍາດ​ສາ​ກົນ ຮຽກ​ຮ້ອງ ແກ້​ໄຂວິ​ກິດ​ການ​ເວ​ເນ​ຊູ​ເອ​ລາ ໂດຍ​ສັນ​ຕິ​ວິ​ທີ

ທ່ານ Anwar Ibrahim ນາຍົກລັດຖະມົນຕີ ມາເລເຊຍ ສະແດງທັດສະນະໃນ facebook ສ່ວນຕົວ (ພາບ: VOV/Bangkok)

ວັນທີ 4 ມັງກອນ ສະຫະພາບ ເອີລົບ (EU) ໄດ້ອອກຖະແຫຼງການລວມສະແດງຄວາມວິຕົກກັງວັນຢ່າງເລິກເຊິ່ງຕໍ່ບັນດາຜົນຕາມມາຢ່າງຮ້າຍແຮງທີ່ເກີດຂຶ້ນພາຍຫຼັງການກະທຳແຊກແຊງຂອງອາເມລິກາ ຢູ່ເວເນຊູເອລາ. ຖະແຫຼງການ ໂດຍອົງການກະທຳການຕ່າງປະເທດ ເອີລົບ ປະກາດ ເຊິ່ງຄັດສະເໜີຄຳເວົ້າຂອງທ່ານນາງ Kaja Kallas ຜູ້ຕາງໜ້າຂັ້ນສູງ EU ຮັບຜິດຊອບນະໂຍບາຍຄວາມໝັ້ນຄົງ ແລະ ການຕ່າງປະເທດຮຽກຮ້ອງບັນດາຝ່າຍທີ່ກ່ຽວຂ້ອງຈົ່ງລະງັບໃຈຢ່າງສຸດຂີດເພື່ອແນໃສ່ຫຼີກລ້ຽງກໍລະນີເຮັດໃຫ້ຄວາມເຄັ່ງຕຶງເພີ່ມຂຶ້ນຢ່າງແຮງ, ພ້ອມທັງຍົກໃຫ້ເຫັນແຈ້ງຄວາມຈຳເປັນຕ້ອງມຸ່ງໄປເຖິງການແກ້ໄຂວິກິດການທີ່ພວມດຳເນີນໂດຍສັນຕິພາບວິທີຢູ່ປະເທດ ເວເນຊູເອລາ. ຕໍ່ໜ້າການຜັນແປທີ່ເຄັ່ງຕຶງຄືຢູ່ເວເນຊູເອລາ, ມີຫຼາຍປະເທດ, ໃນນັ້ນມີ ໄທ, ມາເລເຊຍ ແລະ ສິງກະໂປ ພ້ອມກັນສະແດງຄວາມວິຕົກກັງວົນ ແລະ ຮຽກຮ້ອງໃຫ້ບັນດາຝ່າຍຈົ່ງລະງັບໃຈ, ແກ້ໄຂການປະທະກັນໂດຍສັນຕິວິທີບົນພື້ນຖານເຄົາລົບນັບຖືກົດໝາຍສາກົນ ແລະ ກົດບັດ ສປຊ. ໃນຂະນະນັ້ນ, ວັນທີ 4 ມັງກອນ ກອງທັບ ເວເນຊູເອລາ ຮັບຮູ້ ທ່ານນາງ Delcy Rodriguez ຮອງປະທານາທິບໍດີ ແມ່ນການນຳຊົ່ວຄາວຂອງປະເທດນີ້, ທ່ານ Vladimir Padrino Lopez ລັດຖະມົນຕີກະຊວງປ້ອງກັນປະເທດ ເວເນຊູເອລາ ໄດ້ສະແດງການສະໜັບສະໜູນໃຫ້ແກ່ການຕັດສິນຂອງສານສູງສຸດ ທີ່ແຕ່ງຕັ້ງ ທ່ານນາງ Delcy Rodriguez ດຳລົງຕຳແໜ່ງເປັນປະທານາທິບໍດີ ຊົ່ວຄາວໃນໄລຍະເວລາ 90 ວັນ.