(vovworld) - ວັນທີ 18/9, ອົງການພະລັງງານປະລະມານູສາກົນ (IAEA) ສະແດງຄວາມກຽມພ້ອມເຊື່ອມຕໍ່ການເຈລະຈາກັບອີຣານ. ແຈ້ງການຖືກປະກາດພາຍຫຼັງການພົບປະລະຫວ່າງຜູ້ອຳນວຍການໃຫຍ່ຂອງ IAEA, Yukiya Amano ແລະ ຜູ້ນຳໜ້າອົງການພະລັງງານນິວເຄຼຍອີຣານ ທ່ານ Fereydoun Abbasi – Davani. ເນື້ອໃນຂອງແຈ້ງການໄດ້ຢືນຢັນວ່າ IAEA ໃຫ້ຄຳໝັ້ນສັນຍາສືບຕໍ່ເຈລະຈາກັບປະເທດອິດສະລາມອີຣານ, ພ້ອມກັນນັ້ນກໍກຽມພ້ອມທີ່ຈະເຈລະຈາກັບອີຣານ ໂດຍໄວ. ຜູ້ອຳນວຍການໃຫຍ່ຂອງ IAEA, Amano ກໍໄດ້ເນັ້ນໜັກວ່າ ອີຣານຄວນເປີດກວ້າງການຮ່ວມມືກັບ IAEA. ຕາມທ່ານແລ້ວ, ທັງອີຣານ ແລະ IAEA ຕ້ອງພ້ອມກັນຊອກຫາມາດຕະການເພື່ອເຮັດແຈ້ງໂຄງການນິວເຄຼຍຂອງອີຣານ ແລະ ສິ່ງນີ້ແມ່ນຈຳເປັນທີ່ສຸດ ແລະ ຕ້ອງປະຕິບັດຍິ່ງໄວກໍຍິ່ງດີ.