(vovworld) – ວັນທີ 25/6, ທ່ານຟ້າມແຊງເຈົາ, ຫົວໜ້າກົມວັດທະນະທຳການຕ່າງປະເທດ ແລະ UNESCO, ກະຊວງການຕ່າງປະເທດຫວຽດນາມ ນຳໜ້າຄະນະທຸຕານຸທູດ ເຊິ່ງລວມມີ: ການນຳສະຖານທູດ 10 ປະເທດ: ອົດສະຕາລີ, ຮຸງກາຣີ, ລັດເຊຍ, ຣຸມານີ, ເປຣູ, ອາເມລິກາ, ອິນເດຍ, ມາຣົກ, ຢູເກຼນ, ຊູແອັດ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງ ບັກຢາງ ເພື່ອແນໃສ່ແລກປ່ຽນກາລະໂອກາດຮ່ວມມືໃນການຮັກສາ, ປຸງແຕ່ງ ແລະ ສົ່ງອອກບັນດາຜະລິດຕະພັນກະເສດໃນໄລຍະຈະມາເຖິງ, ພິເສດແມ່ນຜະລິດຕະພັນໝາກລິ້ນຈີ່. ຕາມທ່ານຟ້າມຊັນເຈົາ ແລ້ວ, ການຢ້ຽມຢາມແຂວງ ບັກຢາງ ຄັ້ງນີ້ຈະຊ່ວຍບັນດາເອກອັກຄະລັດຖະທູດໃນຄະນະທຸຕານຸທູດເຂົ້າໃຈຕື່ມອີກ ກ່ຽວກັບບັນດາຜະລິດຕະພັນກະເສດ ແລະ ບັນດາຄວາມສາມາດບົ່ມຊ້ອນ, ທ່າແຮງຂອງແຂວງ ບັກຢາງ. ການຢ້ຽມຢາມຄັ້ງນີ້ກໍປະກອບສ່ວນຊຸກຍູ້ການພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງແຂວງ ບັກຢາງ ກັບຄະນະທຸຕານຸທູດສືບຕໍ່ເຂົ້າສູ່ລວງເລິກ, ນັບມື້ນັບແທດຈິງ, ພິເສດແມ່ນວຽກງານໂຄສະນາການທ່ອງທ່ຽວ ແລະ ສິນຄ້າຜະລິດຕະພັນກະເສດຂອງທ້ອງຖິ່ນ.