(ພາບ:vneconomy.vn)
(VOV)-ຕອນບ່າຍທີ 17/12, ທ່ານເຮືອຫງອກທ້ວນ ຮອງປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ໃຫ້ການຕ້ອນຮັບທ່ານ Benoit Paumier ກຳມະການຮັບຜິດຊອບປີຝະລັ່ງ ຢູ່ຫວຽດນາມ ສັງກັດກະຊວງວັດທະນະທຳຝະລັ່ງ. ທ່ານ Benoit Paumier ໃຫ້ຮູ້ວ່າ: ຝະລັ່ງ ຈະຈັດລາຍການປີຝະລັ່ງ ຢູ່ຫວຽດນາມ ຊື່ງໃນນັ້ນມີບັນດາການເຄື່ອນໄຫວສິລະປະ-ວັດທະນະທຳຢູ່ນະຄອນໂຮ່ຈິມິນຄື: ງານຕະຫຼາດນັດອາຫານການກິນຝະລັ່ງ-ຫວຽດນາມ; ການສະແດງຂອງວົງດົນຕີປະສານສຽງປາຣີ…
ປີຝະລັ່ງ-ຫວຽດນາມ ຖືກຈັດຂຶ້ນໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດຫວຽດນາມ-ຝະລັ່ງ ດ້ວຍຈຸດໝາຍແນະນຳບັນດາປັດໄຈສຳຄັນຂອງປະຫວັດສາດ, ຂອງມໍລະດົກ ແລະ ຂອງມູນເຊື້ອສອງປະເທດຝະລັ່ງ ແລະ ຫວຽດນາມ. ປີຝະລັ່ງ-ຫວຽດນາມ ເພື່ອແນໃສ່ນຳມາເຊິ່ງໄລຍະໃໝ່ແຫ່ງການຮ່ວມມືລະຫວ່າງສອງປະເທດໃນຂົງເຂດເສດຖະກິດກໍ່ຄືວັດທະນະທຳ, ການສຶກສາ, ວິທະຍາສາດ ແລະ ກິລາ.