ທ່ານ Le Thanh Hai ເລຂາຄະນະພັກນະຄອນໂຮ່ຈິມິນ
ຕ້ອນຮັບທ່ານ ຄຳໃບດຳລັດ, ກຳມະການສູງກາງພັກປະຊາຊົນປະຕິວັດລາວ
( ພາບ: phunuonline.com.vn )
(vovworld) - ວັນທີ 11/8, ທ່ານ Le Thanh Hai, ກຳມະການກົມການເມືອງ, ເລຂາຄະນະພັກນະຄອນໂຮ່ຈິມິນ, ໄດ້ໃຫ້ການຕ້ອນຮັບຄະນະຜູ້ແທນແຂວງຄໍາມ່ວນ ໂດຍທ່ານ ຄຳໃບດຳລັດ, ກຳມະການສູງກາງພັກປະຊາຊົນປະຕິວັດລາວ, ເລຂາພັກແຂວງ ເຈົ້າ ແຂວງໆຄຳມ່ວນ ນຳໜ້າ. ທີ່ການຕ້ອນຮັບ, ທ່ານ Le Thanh Hai ໄດ້ຊົມເຊີຍຄະນະຜູ້ແທນແຂວງຄຳມ່ວນ ມາຢ້ຽມຢາມ ແລະ ເຮັດວຽກຢູ່ຫວຽດນາມ, ໃນນັ້ນມີນະຄອນໂຮ່ຈິມິນ. ທ່ານໄດ້ຕີລາຄາສູງຜົນງານເສດຖະກິດສັງຄົມທີ່ແຂວງຄຳມ່ວນ ຍາກມາໄດ້ໃນໄລຍະທີ່ຜ່ານມາ, ທ່ານ Le Thanh Hai ຫວັງວ່າ ໃນໄລຍະທີ່ຈະມາເຖິງ, ທາງແຂວງຈະບັນລຸໄດ້ບັນດາຜົນງານທີ່ໃຫຍ່ຫຼງກວ່າອີກ, ໂດຍສະເພາະແມ່ນວຽກງານລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ຂອງປະຊາຊົນ… ສ່ວນທ່ານ ຄຳໃບດຳລັດ ກໍໃຫ້ຮູ້ວ່າ, ບາງແຂວງທາງພາກກາງຂອງຫວຽດນາມ ໄດ້ຊ່ວຍແຂວງຄຳມ່ວນ ໃນການບຳລຸງສ້າງຊັບພະຍາກອນມະນຸດ, ໂດຍສະເພາະແມ່ນສອນໃຫ້ນັກຮຽນລາວ. ສະເພາະແຂວງ ກວາງຈິ້ ໄດ້ບຳລຸງສ້າງນັກຮຽນໃຫ້ແຂວງຄຳມ່ວນຈຳນວນ 500 ຄົນ. ແຂວງກວາງບິ່ງ ເຊິ່ງແມ່ນແຂວງແຮກສ່ຽວກັບແຂວງຄຳມ່ວນ ກໍໄດ້ຊ່ວຍປຸກສ້າງໂຮງຮຽນປະຖົມມິດຕະພາບຫວຽດນາມ - ລາວ ແຫ່ງທຳອິດ…
ເນື່ອງໃນໂອາກດນີ້, ທ່ານ ຄຳໃບດຳລັດ ກໍໃຫ້ຮູ້ວ່າ: ຄາດວ່າໃນເດືອນ 12 ປີ 2012, ເຂດອະນຸສອນສະຖານປະທານໂຮ່ຈິມິນ ຢູ່ແຂວງຄຳມ່ວນຈະຮັບການກໍ່ສ້າງສຳເລັດ. ໃນໄລຍະຈະມາເຖິງ ແຂວງຄຳມ່ວນກໍຈະສ້າງກຸ່ມອະນຸສາວະລີສຳພັນທະມິດສຸຮົບລາວ - ຫວຽດນາມ.