ປະທານາທິບໍດີ Bashar al Assad
ພາບ: internet
|
(vovworld)-ຕອບສຳພາດຫນັງສືພິມ Izvestia ຂອງລັດເຊຍໃນວັນທີ 26/8, ປະທານາທິບໍດີ Bashar al Assad ໄດ້ອອກສຽງປະຕິເສດຄຳກ່າວຫາຂອງຝ່າຍຄ້ານ ແລະ ການນຳຫລາຍປະເທດຝ່າຍຕາເວັນຕົກທີ່ຖືວ່າ: ກອງທັບ ຊີຣີ ໄດ້ນຳໃຊ້ອາວຸດເຄມີບຸກໂຈມຕີກຳລັງລຸກຮືຂຶ້ນ. ປະທານາທິບໍດີ Assad ຢືນຢັນວ່າ: ຄຳກ່າວຫາດັ່ງກ່າວພຽງແຕ່ມີລັກສະນະການເມືອງທີ່ຖືກຍົກອອກໃນສະພາບທະຫານລັດຖະບານຍາດໄດ້ໄຊຊະນະສຳຄັນຢ່າງລຽນຕິດ. ທ່ານ Assad ຮຽກຮ້ອງສ້າງຕັ້ງຄະນະກຳມະການສາກົນເພື່ອສືບສວນບັນດາຄຳກ່າວຫາຂອງຝ່າຍຄ້ານ. ຕາມທ່ານ Assad ແລ້ວ, ຝ່າຍຕາເວັນຕົກບໍ່ໄດ້ອະນຸຍາດດຳເນີນບັ້ນຮົບການທະຫານຢູ່ ຊີຣີ ເພາະວ່າ ທຸກສິ່ງທີ່ພວມເກີດຂຶ້ນຢູ່ປະເທດນີ້ ບໍ່ແມ່ນການປະຕິວັດປະຊາຊົນ ຫາກແມ່ນການຕໍ່ສູ້ຂອງກຳລັງປະກອບອາວຸດ ຊີຣີ ຕ້ານຄືນພວກກໍ່ການຮ້າຍ. ທ່ານເນັ້ນຫນັກວ່າ: ອາເມລິກາ ບໍ່ສາມາດແຊກແຊງທາງການທະຫານເຂົ້າຊີຣີ ເພື່ອຫນູນຊ່ວຍບັນດາພວກກໍ່ການຮ້າຍ.