(VOVWORLD) -ຕອນບ່າຍວັນທີ 30 ມີນາ ຢູ່ຮ່າໂນ້ຍ, ທ່ານປະທານປະເທດ ຫງວຽນຊວັນຟຸກ ແລະ ທ່ານປະທານສະພາແຫງຊາດ ຫວຽດນາມ ເວືອງດິ່ງເຫ້ວ ໄດ້ເປັນປະທານຮ່ວມກອງປະຊຸມກ່ຽວກັບວຽກງານສົມທົບກັນລະຫວ່າງປະທານປະເທດ ແລະ ຄະນະປະຈຳສະພາແຫ່ງຊາດ.
 ທ່ານປະທານສະພາແຫງຊາດ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນທີ່ກອງປະຊຸມ, ທ່ານປະທານສະພາແຫງຊາດ ຫງວຽນຊວັນຟຸກ ໄດ້ຕີລາຄາວ່າ ວຽກງານສົມທົບກັນລະຫວ່າງປະທານປະເທດ ແລະ ຄະນະປະຈຳສະພາແຫ່ງຊາດ ໃນໄລຍະຜ່ານມາບັນລຸໄດ້ຜົນງານທີ່ຕັ້ງໜ້າ, ຮອບດ້ານໃນທຸກແງ່ມູນຂອງການປະຕິບັດງານ, ປະກອບສ່ວນຍົກສູງຄຸນນະພາບການເຄື່ອນໄຫວຂອງປະທານປະເທດ, ສະພາແຫ່ງຊາດ ແລະ ຄະນະປະຈຳສະພາແຫ່ງຊາດ ໃນການປະຕິບັດໜ້າທີ່ ແລະ ສິດອຳນາດຕາມຂໍ້ກຳນົດຂອງລັດຖະທຳມະນູນ ແລະ ກົດໝາຍ.
ກ່ຽວກັບໜ້າທີ່ໃນໄລຍະຈະມາເຖິງ, ທ່ານປະທານຫງວຽນຊວັນຟຸກ ເນັ້ນໜັກວາ ສະພາແຫ່ງຊາດຄວນສືບຕໍ່ເສີມຂະຫຍາຍທີ່ຕັ້ງບົດບາດຂອງຕົນໃນວຽກງານສ້າງຂອບນິຕິກຳຢ່າງແຮງກ່ວາອີກ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ... ທ່ານກ່າວວ່າ:
ພວກເຮົາກຳນົດການພົວພັນລະຫວ່າງປະທານປະເທດ ແລະ ສະພາແຫ່ງຊາດ, ຄະນະປະຈຳສະພາແຫ່ງຊາດ ແມ່ນການພົວພັນສົມທົບກັນປະຕິບັດງານ ພາຍໃຕ້ການນຳພາຂອງພັກ, ການຈັດແບ່ງວຽກງານຂອງສູນກາງ, ກົມການເມືອງ, ຕາມຂໍ້ກຳນົດຂອງລັດຖະທຳມະນູນ ແລະ ກົດໝາຍ. ປະທານປະເທດຍາມໃດກໍ່ມີຄວາມປາດຖະໜາກຢາກສົມທົບ, ຮ່ວມມືກັບສະພາແຫ່ງຊາດ, ຄະນະປະຈຳສະພາແຫ່ງ ເພື່ອປະຕິບັດບັນດາໜ້າທີ່ຢ່າງມີປະສິດທິຜົນ.
ທ່ານປະທານປະເທດກໍ່ມີຄວາມປາດຖະໜາຢາກສົມທົບກັບສະພາແຫ່ງຊາດ, ຄະນະປະຈຳສະພາແຫ່ງຊາດ ໃນວິວັດການກໍ່ສ້າງ, ປະຕິບັດກົດໝາຍ, ລັດຖະບັນຍັດ ແລະ ມະຕິດ້ວຍທັດສະນະຖືປະຊາຊົນເປັນໃຈກາງ, ປະຊາຊົນເປັນເຈົ້າກຳຂອງການພັດທະນາ, ເຈົ້າກຳຂອງການຕິດຕາມກວດກາ, ພິເສດແມ່ນໃນບັນຫາກ່ຽວກັບແມ່ຍິງ ແລະ ເດັກນ້ອຍ.