(VOVWORLD) - ໃນໂອກາດນີ້, ທ່ານນາງຮອງປະທານປະເທດ ສະເໜີໃຫ້ບັນດາກະຊວງ ຂະແໜງການ ແລະ ນະຄອນ ໂຮ່ຈີມິນ ກວດກາຄືນບັນດາຄວາມຕ້ອງການຂອງເດັກນ້ອຍໃນສະພາບການໃໝ່.
 (ທ່ານນາງ ຫວໍ້ທິແອັງຊວັນ ກ່າວຄຳເຫັນທີ່ການພົບປະ) |
ຕອນບ່າຍວັນທີ 12 ມິຖຸນາ, ຢູ່ສຳນັກງານປະທານປະເທດທີ່ ຮ່າໂນ້ຍ, ທ່ານນາງ ຫວໍ້ທິແອັງຊວັນ ໄດ້ພົບປະກັບຄະນະຜູ້ແທນສະມາຊິກກອງເຍົາວະຊົນ, ເຍົາວະຊົນ, ຜູ້ຮັບຜິດຊອບກອງເຍົາວະຊົນດີເດັ່ນນະຄອນ ໂຮ່ຈີມິນ ເຂົ້າຮ່ວມຂະບວນວິວັດ “ນ້ອງຮັກປະເທດຊາດ ຫວຽດນາມ” ປີ 2024.
ໂດຍໄດ້ຍ້ອງຍໍຊົມເຊີຍບັນດາຜົນງານ ທີ່ບັນດາພວກນ້ອງສະມາຊິກກອງເຍົາວະຊົນ, ເຍົາວະຊົນບັນລຸໄດ້ນັ້ນ, ທ່ານນາງຮອງປະທານປະເທດປາດຖະໜາວ່າ ບັນດາສະມາຊິກກອງເຍົາວະຊົນ, ເຍົາວະຊົນຈະສືບຕໍ່ມູນເຊື້ອອັນສະຫງ່າລາສີຂອງຊາດ, ເດີນຕາມລຸ້ນພໍ່ລຸ້ນອ້າຍ, ແຂ່ງຂັນຮ່ຳຮຽນ, ຝຶກຝົນຫຼໍ່ຫຼອມຢ່າງບໍ່ຢຸດຢັ້ງ, ສ້າງພື້ນຖານທີ່ໝັ້ນຄົງໜັກແໜ້ນໃຫ້ແກ່ການພັດທະນາໃນອະນາຄົດ.
ໃນໂອກາດນີ້, ທ່ານນາງຮອງປະທານປະເທດ ສະເໜີໃຫ້ບັນດາກະຊວງ ຂະແໜງການ ແລະ ນະຄອນ ໂຮ່ຈີມິນ ກວດກາຄືນບັນດາຄວາມຕ້ອງການຂອງເດັກນ້ອຍໃນສະພາບການໃໝ່ ເພື່ອສະເໜີບັນດາແຜນນະໂຍບາຍ, ນະໂຍບາຍໃໝ່ທີ່ເໝາະສົມກັບສະພາບການ, ຜ່ານນັ້ນ ຊຸກຍູ້ວຽກງານປົກປ້ອງ, ເບິ່ງແຍງດູແລ, ສຶກສາເດັກນ້ອຍ.