ທ່ານລັດຖະມົນຕີການຕ່າງປະເທດອາເມລິກາ John Kerry ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບີງມິນ
|
(vovworld)- ໂດຍໄດ້ຮັບຄຳເຊີນຈາກທ່ານລັດຖະມົນຕີການຕ່າງປະເທດອາເມລິກາ John Kerry , ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບີງມິນ ໄດ້ທຳການຢ້ຽມຢາມອາເມລິກາຢ່າງດປັນທາງການແຕ່ວັນທີ 1-2/10/2014.
ວັນທີ 2/10, ທີ່ການເຈລະຈາລະຫວ່າງ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບີງມິນ ແລະ ທ່ານລັດຖະມົນຕີການຕ່າງປະເທດອາເມລິກາ John Kerry, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບີງມິນຢືນຢັນວ່າ ຫວຽດນາມຖືເປັນສຳຄັນການພົວພັນກັບອາເມລິກາ, ຫວັງຊຸກຍູ້ການຮ່ວມມືຫຼາຍດ້ານລະຫວ່າງ 2 ປະເທດໃຫ້ດີຍິ່ງໆຂຶ້ນ; ສະເໜີໃຫ້ອາເມລິກາຈົ່ງມີໄຫວພິກກັບຫວຽດນາມໃນການເຈລະຈາສັນຍາຄູ່ຮ່ວມມືຂ້າມປາຊີຝິກ (TPP) ແລະ ໜູນຊ່ວຍດ້ານວິຊາການໃຫ້ແກ່ຫວຽດນາມໃນວິວັດການເຈລະຈາ ແລະ ປະຕິບັດສັນຍາ, ຮັບຮູ້ຫວຽດນາມມີພື້ນຖານເສດຖະກິດຕະຫຼາດ, ເພີ່ມທະວີການຮ່ວມມືດ້ານດ້ານວິທະຍາສາດ-ເຕັກໂນໂລຢີ, ສຶກສາ-ບຳລຸງສ້າງກັບຫວຽດນາມ, ສືບຕໍ່ໜູນຊ່ວຍຫວຽດນາມແກ້ໄຂຜົນຮ້າຍຢ່ອນຫຼັງຈາກສົງຄາມ.
ສ່ວນ ທ່ານລັດຖະມົນຕີການຕ່າງປະເທດອາເມລິກາ John Kerryຢືນຢັນວ່າ ອາເມລິກາຖືເປັນສຳຄັນບົດບາດຂອງຫວຽດນາມໃນພາກພື້ນ; ຫວັງສືບຕໍ່ຊຸກຍູ້ການຮ່ວມມືກັບຫວຽດນາມໃນທຸກຂົງເຂດ, ໃຫ້ຄຳໝັນໝາຍສືບຕໍ່ໜູນຊ່ວຍຫວຽດນາມແກ້ໄຂຜົນຮ້າຍຢ່ອນຫຼັງຈາກສົງຄາມ...
2 ຝ່າຍຍັງແລກປ່ຽນກ່ຽວກັບບັນຫາໃນພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນ, ມີສະພາບການຢູ່ຕາເວັນອອກ, ແລະ ຖືວ່າບັນດາຝ່າຍທີ່ກ່ຽວຂ້ອງຄວນປະຕິບັດຖະແຫຼງການ DOC ຢ່າງເຂັ້ມງວດ, ແກ້ໄຂການພິພາດດ້ວຍມາດຕະການສັນຕິພາບບົນພື້ນຖານເຄົາລົບກົດໝາຍສາກົນ ແລະ ສົນທິສັນຍາກ່ຽວກັບກົດໝາຍທະເລປີ 1982 .