ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈູດທູບໃຕ້ທຽນຖວາຍດອກໄມ້ບູຊາອາໄລຫາອະດີດນາຍົກລັດຖະມົນຕີ ຟ້າມວັນດົງ (ພາບ: VGP)

ຕອນເຊົ້າວັນທີ 1 ມັງກອນ 2023, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໄປຈູດທູບໃຕ້ທຽນຖວາຍດອກໄມ້ບູຊາອາໄລຫາອະດີດນາຍົກລັດຖະມົນຕີ ຟ້າມວັນດົງ ຢູ່ເຂດອະນຸສອນສະຖານຂອງເພິ່ນຕັ້ງຢູ່ຕາແສງ ເຕິນດຶກ, ເມືອງ ໂມດຶກ, ແຂວງ ກວາງຫງາຍ. ທ່ານອະດີດນາຍົກລັດຖະມົນຕີ ຟ້າມວັນດົງ ແມ່ນການນຳຜູ້ປີຊາສາມາດ, ນັກວັດທະນະທຳໃຫຍ່ຂອງປະເທດຊາດ ແລະ ແມ່ນນັກການທູດທີ່ດີເລີດຂອງພັກ, ລັດ ແລະ ການປະຕິວັດ ຫວຽດນາມ. ໃນຕະຫຼອດຊີວິດຂອງອະດີດນາຍົກລັດຖະມົນຕີ ຟ້າມວັນດົງ ໄດ້ຕິດພັນກັບພາລະກິດ 75 ປີແຫ່ງວັນເຄື່ອນໄຫວປະຕິວັດ, 32 ປີ ເປັນນາຍົກລັດຖະມົນຕີ. ທ່ານໄດ້ຮັບຄວາມ ເຄົາລົບນັບຖືຈາກເພື່ອນມິດສາກົນ, ເປັນບຸກຄົນດີເລີດ ແລະ ມີຜົນສະທ້ອນຢ່າງໃຫຍ່ຫຼວງຢູ່ ຫວຽດນາມ ໃນສະຕະວັດທີ 20.