ບັນດາຝ່າຍເຂົ້າຮ່ວມກອງປະຊຸມສາກົນRomeສະໜັບສະໜູນລັດຖະບານສາມັກຄີຊົນຊາດຢູ່ລີບີ
ບັນດາຝ່າຍເຂົ້າຮ່ວມກອງປະຊຸມສາກົນRome
ສະໜັບສະໜູນລັດຖະບານສາມັກຄີຊົນຊາດຢູ່ລີບີ
(ພາບ: AFP/TTXVN)
(vovworld) - ວັນທີ 13/12, ຜູ້ຕາງໜ້າບັນດາປະເທດ ແລະ ອົງການຈັດຕັ້ງເຂົ້າຮ່ວມກອງປະຊຸມສາກົນກ່ຽວກັບລີບີ ຢູ່ Rome, ປະເທດອີຕາລີ, ລົງນາມໃນແຈ້ງການຮ່ວມ ຮຽກຮ້ອງບັນດາຝ່າຍປະທະກັນຢູ່ລີບີ ຢຸດຍິງ ເພື່ອເປີດຊ່ອງທາງໃຫ້ຂໍ້ຕົກລົງສ້າງຕັ້ງລັດຖະບານສາມັກຄີຊົນຊາດ. ແຈ້ງການຊີ້ແຈ້ງວ່າ, ພຽງແຕ່ສ້າງລັດຖະບານໜຶ່ງດຽວ ຈຶ່ງສາມາດນຳມາເຊິ່ງຄວາມສາມັກຄີ, ສະຖຽນລະພາບ ແລະ ຢຸດຕິສະພາບວຸ່ນວາຍຢູ່ລີບີ ເທົ່ານັ້ນ. ນອກນັ້ນ, ຜູ້ຕາງໜ້າ 17 ປະເທດ ແລະ 4 ອົງການຈັດຕັ້ງສາກົນທີ່ເຂົ້າຮ່ວມກອງປະຊຸມ ກໍໃຫ້ຄຳໝັ້ນສັນຍາຈະໜູນຊ່ວຍດ້ານການເມືອງ, ເສດຖະກິດ ແລະ ການປ້ອງກັນຄວາມສະຫງົບໃຫ້ປະເທດອາປະລິກາເໜືອນີ້, ພ້ອມທັງຢືນຢັນຈະຕັດການຕິດຕໍ່ກັບຝ່າຍໃດໆ ທີ່ບໍ່ລົງນາມໃນຂໍ້ຕົກລົງ.