(ພາບ:http://afamily.vn)
ຕອນເຊົ້າວັນທີ 30/11, ຢູ່ ຮ່າໂນ້ຍ, ກະຊວງ ຊັບພະຍາກອນ ແລະ ສິ່ງແວດລ້ອມ, ທະນາຄານພັດທະນາອາຊີ (ADB), ບັນດາອົງການສາກົນກ່ຽວກັບສິ່ງແວດລ້ອມ ໄດ້ສົມທົບກັນຈັດຕັ້ງການສຳມະນາ ບັນດາປະເທດອະນຸພາກພື້ນແມ່ນ້ຳຂອງເປີດກວ້າງ ກ່ຽວກັບການເຕີບໂຕຂຽວ ດ້ວຍຫົວຂໍ້ວ່າ ”ການລົງທຶນເຂົ້າແຫຼ່ງທຶນທຳມະຊາດໃຫ້ແກ່ພື້ນຖານເສດຖະກິດຂຽວ”. ທ່ານ ຫງວຽນວັນຕ່າຍ, ຫົວໜ້າສະຖາບັນຍຸດທະສາດນະໂຍບາຍຊັບພະ ຍາກອນ ແລະ ສິ່ງແວດລ້ອມ, ກະຊວງ ຊັບພະຍາກອນ ແລະ ສິ່ງແວດລ້ອມ, ຖືວ່າ:
”ບັນດາປະເທດໃນພາກພື້ນພວມປະຕິບັນການສ້າງໂຄງປະກອບຄືນໃໝ່, ຫັນປ່ຽນໂຄງປະກອບເສດຖະກິດ. ວຽກງານທຳອິດ ແມ່ນຕ້ອງເຮັດຄືແນວໃດ ເພື່ອຫັນປ່ຽນພາກສ່ວນເສດຖະກິດ. ນີ້ແມ່ນເນື້ອໃນທີ່ຫຼາຍປະເທດພວມປະຕິບັດ, ແຕ່ສຳຫຼັບພາກພື້ນແມ່ນ້ຳຂອງນີ້ພັດແມ່ນບັນຫາທີ່ບໍ່ງາຍດາຍ”.
ບັນດາຜູ້ແທນເຂົ້າຮ່ວມການສຳມະນາກໍ່ໄດ້ແບ່ງປັນກຳນົດທິດຍຸດທະສາດກ່ຽວກັບການເຕີບໂຕຂຽວ, ປິກສາຫາລືບັນດາມາດຕະການ ເພື່ອຊຸກຍູ້ການຮ່ວມມືລະຫວ່າງປະເທດຕ່າງໆໃນການອະນຸລັກຮັກສາ ແລະພັດທະນາແຫຼ່ງຊັບພະຍາກອນທຳມະຊາດ, ກໍ່ສ້າງພື້ນຖານເສດຖະກິດຂຽວໃນອະນຸພາກພື້ນແມ່ນ້ຳຂອງ.