ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN)

ການວາງແຜນຜັງວາງຄາດໝາຍຮອດປີ 2030, ບິ່ງເຢືອງ ແມ່ນສູນພັດທະນາທີ່ຂະຫຍັນຂັນເຄື່ອນ, ຮອບດ້ານຂອງພາກພື້ນ ອາຊີຕາເວັນອອກສ່ຽງໃຕ້; ນຳໜ້າກ່ຽວກັບຂົງເຂດວິທະຍາສາດເຕັກໂນໂລຢີ ແລະ ນະວັດຕະກຳ, ສູນເຕັກໂນໂລຢີ, ການບໍລິການທັນສະໄໝ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ແຂວງ ປະຕິບັດການ “ປະຈັນບານ 3 ປະການ”, ນັ້ນແມ່ນ:

        “ປະຈັນບານເຊື່ອມຕໍ່ພື້ນຖານເສດຖະກິດກັບເຂດ, ພາກ, ປະເທດ, ສາກົນ, ໂດຍສະເພາະແມ່ນການເຊື່ອມຈອດຄົມມະນາຄົມສີຂຽວ, ຫັນເປັນດີຈີຕອນກັບ ກຳປູເຈຍ, ເຕີຍງວຽນ ຜ່ານ ບິ່ງເຟຶອກ, ຕາເວັນຕົກສ່ຽງໃຕ້ ຜ່ານນະຄອນ ໂຮ່ຈີມິນ, ເຊື່ອມຈອດປະເທດກັບປະເທດ ຜ່ານທ່າອາກາດສະຍານສາກົນ ລອງແທັ່ງ ແລະ ທ່າກ່ຳປັ່ນ ກ໊າຍແມັບ - ທິຫວາຍ. ປະຈັນບານໃນການເປັນເຈົ້າການພັດທະນາເສດຖະກິດດີຈີຕອນ, ເສດຖະກິດສີຂຽວ, ເສດຖະກິດໝູນວຽນ, ເສດຖະກິດແບ່ງປັນ ແລະ ເສດຖະກິດຕອນກາງຄືນ, ພິເສດແມ່ນຫັນເປັນພື້ນຖານເສດຖະກິດີຈີຕອນ ແລະ ພື້ນຖານເສດຖະກິດສີຂຽວ. ປະຈັນບານເປັນເຈົ້າການ, ຕັ້ງໜ້າກໍ່ສ້າງເຂດອຸດສາຫະກຳລຸ້ນໃໝ່, ສຸມໃສ່ການນະວັດຕະກຳ, ໝູນໃຊ້ວິທະຍາສາດເຕັກໂນໂລຢີ, ອຸດສາຫະກຳ 4.0, ພັດທະນາເຂດອຸດສາຫະກຳລຸ້ນໃໝ່, ຂຽວ, ດີຈີຕອນ, ເຕັກໂນໂລຢີສູງ, ອັດສະລິຍະ, ສຸມໃສ່ນະວັດຕະກຳ, ສະຕາດອັບ, ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ.”

ຫວູຄວຽນ