ພິທີເຄົາລົບທຸງ ແລະ ວັນຄອບຄົວ ອາຊຽນ ແລະ ວັນສ້າງຕັ້ງ ອາຊຽນ
(VOVWORLD) -ເນື່ອງໃນໂອກາດສະເຫຼີມສະຫຼອງ 54 ປີແຫ່ງວັນສ້າງຕັ້ງ ອາຊຽນ, ຕອນເຊົ້າວັນທີ 8 ສິງຫາ, ກະຊວງການຕ່າງປະເທດຫວຽດນາມ ໄດ້ຈັດຕັ້ງພິທີເຄົາລົບທຸງ ແລະ ວັນຄອບຄົວ ອາຊຽນ ດ້ວຍຫົວຂໍ້ “ອາຊຽນສາມັກຄີກັນ ຮ່ວມແຮງຮ່ວມໃຈຍູ້ໂລກລະບາດໂຄວິດ - 19 ໃຫ້ຖອຍໄປ”. ເຫດການໄດ້ຈັດຕັ້ງຕາມຮູບການທາງໄກ ດ້ວຍສະຖານທີ່ຖ່າຍທອດສົດ ຂອງ 10 ປະເທດອາຊຽນ.
 ພິທີເຄົາລົບທຸງອາຊຽນ (ພາບ: baoquocte.vn) |
ກ່າວຄຳເຫັນທີ່ພິທີເຄົາລົບທຸງອາຊຽນ, ທ່ານບຸຍແທັງເຊີນ ລັດຖະມົນຕີກະຊວງການຕ່າງປະເທດ ໄດ້ສົ່ງຄຳອວຍພອນເນື່ອງໃນໂອກາດສະເຫຼີມສະຫຼອງ 54 ປີແຫ່ງວັນສ້າງຕັ້ງ ອາຊຽນ, ທ່ານກໍ່ສະແດງຄວາມຂອບອົບຂອບໃຈການຮ່ວມມືໂດຍກົງ ແລະ ທາງໄກຂອງບັນດາປະເທດ ເພື່ອຈັດຕັ້ງສຳເລັດບັນດາເຫດການທີ່ມີຄວາມໝາຍນີ້ ແລະ ເຊື່ອໝັ້ນວ່າ ຫວຽດນາມ ພ້ອມກັບບັນດາປະເທດ ອາຊຽນ ຈະຜ່ານຜ່າບັນດາສິ່ງທ້າທາຍ ແລະ ຄວາມຫຍຸ້ງຍາກປັດຈຸບັນ.
ທ່ານ ບຸຍແທັງເຊີນ ກໍ່ຕີລາຄາສູງເຫດການວັນຄອບຄົວອາຊຽນ ດ້ວຍຫົວຂໍ້ “ອາຊຽນສາມັກຄີກັນຮ່ວມແຮ່ງຮ່ວມໃຈຍູ້ໂລກລະບາດໂຄວິດ - 19 ໃຫ້ຖອຍໄປ”. ນີ້ແມ່ນຂໍ້ລິເລີ່ມ ແລະ ຄວາມມານະພະຍາຍາມຂອງ ກຸ່ມແມ່ຍິງປະຊາຄົມ ອາຊຽນ ຢູ່ ຮ່າໂນ້ຍ, ແມ່ນສານແຫ່ງຄວາມໝາຍທີ່ສົ່ງໄປຍັງບັນດາປະເທດ ສະມາຊິດ ອາຊຽນ, ໃນສະພາບການໂລກລະບາດໂຄວິດ - 19 ຍັງຄົງມີການຜັນແປຢ່າງສັບສົນຢູ່ຫຼາຍປະເທດໃນພາກພື້ນ ແລະ ທົ່ວໂລກ.