(vovworld) - ຕອນເຊົ້າວັນທີ 16/1, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ພ້ອມກັບບັນດາຮອງນາຍົກລັດຖະມົນຕີ ໄດ້ເປັນປະທານກອງປະຊຸມລັດຖະບານກັບບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ ເພື່ອແນໃສ່ຕີລາຄາໝາກຜົນແຫ່ງການເຄື່ອນໄຫວຜະລິດດຳເນີນທຸລະກິດປີ 2012, ຊາບຊຶມໜ້າທີ່ຈຸດສຸມໃນປີ 2013.
ບົດລາຍການທີ່ກອງປະຊຸມໃຫ້ເຫັນວ່າ: ເຖິງວ່າປະສົບກັບຄວາມຫຍຸງຍາກ ແຕ່ໃນປີ 2012 ຍອດຈຳນວນລາຍຮັບຂອງບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ ບັນລຸໄດ້ກ່ວາ 1.620.000 ຕື້ດົ່ງ, ເທົ່າກັບ 92%ແຜນການທີ່ໄດ້ວາງອອກ ແລະ ເພີ່ມຂຶ້ນ 2% ເມື່ອທຽບໃສ່ປີ 2011.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ: ລັດຖະບານຈະແກ້ໄຂບັນດາຂໍ້ສະເໜີທີ່ເປັນທຳຂອງວິສາຫະກິດໂດຍໄວ. ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດ ກວດກາຄືນແຜນການຜະລິດດຳເນີນທຸລະກິດ, ຊັບຊ້ອນ, ປ່ຽນໃໝ່ ແລະ ສ້າງໂຄງປະກອບກຸ່ມບໍລິສັດ, ບໍລິສັດໃຫຍ່ຄືນໃໝ່ ຕາມແຜນຮ່າງໄດ້ຮັບການອະນຸມັດ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈງວ່າ:
“ຊີ້ນຳການສ້າງໂຄງປະກອບຄືນໃໝ່ຢ່າງຂຽວຂາດຕາມແຜນຮ່າງທີ່ໄດ້ອະນຸມັດຜ່ານ, ເອົາໃຈໃສ່ເຖິງການປະກາດໃຊ້ລະບຽບການ, ກົດລະບຽບພາຍໄນ. ລັດຖະບານຈະປະກາດໃຊ້ດຳລັດກ່ຽວກັບບັນຫານີ້. ໝາຍຄວາມວ່າວິສາຫະກິດຕ້ອງປະຕິບັດແຜນນະໂຍບາຍຂອງພັກ, ກົດໝາຍຂອງລັດ ແຕ່ວ່າວິສາຫະກິດກໍ່ຕ້ອງປະຕິບັດຢ່າງຖືກຕ້ອງນັບແຕ່ການຄຸ້ມຄອງທຶນ, ຄຸ້ມຄອງການລົງທຶນ, ການຄຸ້ມຄອງຊັບພະຍາກອນມະນຸດກໍ່ຕ້ອງນຳເຂົ້າໃນມະຕິດັ່ງກ່າວ. ມອບສິດເປັນເຈົ້າ, ຮັບຜິດຊອບແຕ່ຕ້ອງນອນໃນຂອບເຂດຂອງກົດໝາຍ”
ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກວ່າ: ບັນດາກຸ່ມບໍລິສັດເສດຖະກິດ, ບໍລິສັດໃຫຍ່ແຫ່ງລັດ ຕ້ອງຫັນເປັນຫຸ້ນສ່ວນຢ່າງເດັດຂາດ, ແກ້ໄຂສະພາບບັນດາວິສາຫະກິດຖືກຫຼຸດທຶນໃນໄລຍະຍາວ ບໍ່ມີຄວາມສາມາດຟື້ນຟູໄດ້ຢ່າງເດັດຂາດ, ບໍ່ປະໃຫ້ເກີດໄພຫຍໍ້ທໍ້.