ວັນທົ່ວໂລກອະນຸລັກຮັກສາສັດປ່າ: ກູ້ເອົາຊີວິດຂອງສັດປ່າ ເພື່ອຟື້ນຟູລະບົບຊີວະພາບ
(VOVWORLD) -ວັນທີ 3 ມີນາ ແມ່ນວັນສັດປ່າໂລກ ເພື່ອແນໃສ່ຈຸດປະສົງຍົກສູງສະຕິຄວາມຮັບຮູ້ຂອງມະຫາຊົນກ່ຽວກັບສັດປ່າ ແລະ ຟຶກສາຊາດ.
 ວັນທົ່ວໂລກອະນຸລັກຮັກສາສັດປ່າປີ 2022 ມີຫົວຂໍ້ “ກູ້ເອົາຊີວິດສັດປ່າ ເພື່ອຟື້ນຟູລະບົບຊີວະພາບ” (ພາບ:baovemoitruong.org.vn) |
ດ້ວຍຫົວຂໍ້ “ກູ້ເອົາຊີວິດສັດປ່າ ເພື່ອຟື້ນຟູລະບົບຊີວະພາບ” ວັນທົ່ວໂລກອະນຸລັກຮັກສາສັດປ່າປີ 2022 ປຽບເໝືອນດັ່ງວິທີການດຶງດູດຄວາມເອົາໃຈໃສ່ຕໍ່ການອະນຸລັກສັດປ່າປະເພດທີ່ມີຄວາມສ່ຽງດັບສູນສູງ ແລະ ຊຸກຍູ້ການເຄື່ອນໄຫວມຸ່ງໄປເຖິງການປະຕິບັດມາດຕະການຕ່າງໆເພື່ອອະນຸລັກຮັກສາ.
ວັນທົ່ວໂລກອະນຸລັກຮັກສາສັດປ່າປີ 2022 ໄດ້ສຸມໃສ່ການເຄື່ອນໄຫວສະເຫຼີມສະຫຼອງມຸ່ງໄປເຖິງຄວາມຕ້ອງການທີ່ຈຳເປັນຕ້ອງກູ້ເອົາຊີວິດຂອງສັດປ່າປະເພດຕ່າງໆທີ່ພວມຖືກນາບຂູ່ຢ່າງຮ້າຍແຮງທີ່ສຸດ, ເພື່ອໜູນຊ່ວຍການຟື້ນຟູສະພາບແວດລ້ອມແຫ່ງການດໍາລົງຊີວິດໃຫ້ແກ່ສັດປ່າ ແລະ ລະບົບຊີວະພາບ.