ທ່ານລັດຖະມົນຕີກະຊວງຍຸຕິທຳຮ່າຮຸ່ງເກືອງທີ່ວາລະຊກຖາມ
(ພາບ:nguoidaibieu)
|
(vovworld)- ສຸມໃສ່ແກ້ໄຂສະພາບຄ້າງໜີ້ເອກະສານ, ຍົກສູງຄຸນນະພາບພະນັກງານຍຸຕິທຳ. ນີ້ແມ່ນເນື້ອໃນ 2 ປະການໂດຍບັນດາ ສ.ສ.ຊ ໄດ້ເຕື້ອງເຖິງໃນວາລະຊັກຖາມລັດຖະມົນຕີກະຊວງຍຸຕິທຳຮ່າຮຸ່ງເກືອງເມື່ອຕອນບ່າຍວັນທີ 11/6.
ກ່ຽວກັບກຳລັງຄວາມສາມາດຂອງຖັນແຖວພະນັກງານເຮັດວຽກງານຍຸຕິທຳ, ທ່ານລັດຖະມົນຕີກະຊວງຍຸຕິທຳຮ່າຮຸ່ງເກືອງ ໃຫ້ຮູ້ວ່າ ຍັງມີສິ່ງຈຳກັດ, ດັ່ງນັ້ນໄດ້ສົ່ງຜົນສະທ້ອນເຖິງການສ້າງກົດໝາຍ, ພິເສດແມ່ນໃນການຈັດຕັ້ງປະຕິບັດ ກົດໝາຍ. ເພື່ອຕອບສະໜອງຄວາມຮຽກຮ້ອງຕ້ອງການໃນການເຊື່ອມໂຍງ ເຂົ້າກັບສາກົນ, ທ່ານລັດຖະມົນຕີກະຊວງຍຸຕິທຳຮ່າຮຸ່ງເກືອງຢືນຢັນວ່າ :
“ ພວກຂ້າພະເຈົ້າເອົາໃຈໃສ່ທີ່ສຸດເຖິງວຽກງານກໍ່ສ້າງແຫຼ່ງຊັບພະຍາກອນມະນຸດ. ປີ 2013, ນາຍົກລັດຖະມົນຕີໄດ້ອະນຸມັດຜ່ານທັງ 2 ແຜນຮ່າງກໍ່ສ້າງມະຫາວິທະຍາໄລກົດໝາຍໃຫຍ່ 2 ແຫ່ງຢູ່ພາກເໜືອ ແລະ ພາກໃຕ້ເພື່ອກາຍເປັນບັນດາໂຮງຮຽນຈຸດສຸມ ກໍ່ສ້າງພະນັກງານກົດໝາຍທີ່ມີລະດັບປະລີນຍາຕີຂຶ້ນໄປ. ສະຖາບັນຍຸດຕິທຳກໍ່ໄດ້ຮັບການກໍ່ສ້າງເປັນສູນກໍ່ສ້າງພະນັກງານຍຸດຕິທຳຂອງປະເທດຊາດ. ປະຈຸບັນ, ປະເທດຊາດພວມຕ້ອງການບໍ່ພຽງແຕ່ດ້ານຈຳນວນພະນັກງານເທົ່ານັ້ນ, ຫາກຍັງຄຸນນະພາບອີກດ້ວຍເພື່ອຕອບສະໜອງຄວາມຮຽກຮ້ອງຕ້ອງການຢູ່ພາຍໃນປະເທດ ແລະ ການເຊື່ອມໂຍງ ເຂົ້າກັບສາກົນ ”