( vovworld ) - ໃນຂອບເຂດລາຍການ “ ຕ້ອນຮັບຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ” ຢູ່ສ.ເກົາຫຼີ ແຕ່ວັນທີ 4 – 8/6, ວັນທີ 6/6, ຄະນະຜູ້ແທນຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ໄດ້ມີການພົບປະກັບບັນດາສະມາຊິກສະມາຄົມນັກຮົບເກົ່າຖືກຜົນສະທ້ອນຈາກພິດສີສົ້ມ ສ.ເກົາຫຼີ ( KAOVA ) ຢູ່ລະຄອນຫຼວງ ເຊອູນ. ທ່ານພົນໂທ Nguyen Van Rinh, ປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ( VAVA ), ໄດ້ເນັ້ນໜັກເຖິງການພົວພັນຮ່ວມມືມິດຕະພາບລະຫວ່າງ KAOVA ແລະ VAVA ໃນຕະຫຼອດ 10 ປີທ່ີຜ່ານມາ. ພິເສດກວ່າໝູ່ນັ້ນ, ເພາະວ່າການເຄື່ອນໄຫວນີ້ ຖືກດຳເນີນໄປກົງກັບຊ່ວງເວລາທີ່ສອງປະເທດຫວຽດນາມ - ສ.ເກົາຫຼີ ພວມກະກຽມຈັດຕັ້ງການສະເຫຼີມສະຫຼອງ 20 ປີແຫ່ງວັນສ້າງຕັ້ງສາຍພົວພັນທາງການທູດ ( 1992 – 2012 ) ແລະ ລັດຖະບານຂອງສອງປະເທດຖືປີ 2012 ແມ່ນ “ ປີມິດຕະພາບຫວຽດນາມ - ສ.ເກົາຫຼີ ” ເພາະສະນັ້ນ ນີ້ບໍ່ພຽງແຕ່ແມ່ນການເຄື່ອນໄຫວຢ່າງແທດຈິງ ແລະ ມີຄວາມໝາຍຕໍ່ກັບບັນດາຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ເທົ່ານັ້ນ, ຫາກຍັງສະແດງໃຫ້ເຫັນນ້ຳໃຈສາມັກຄີ, ມິດຕະພາບລະຫວ່າງປະຊາຊົນສອງປະເທດ. ໃນການພົບປະກັບຄະນະ, ທ່ານ Tran Trong Toan ເອກອັກຄະລັດຖະທູດຫວຽດນາມ ປະຈຳສ.ເກົາຫຼີ ໄດ້ມອບເງິນ 1 ລ້ານວອນ ໃຫ້ແກ່ຄະນະເຊິ່ງແມ່ນຈຳນວນເງິນໂດຍພະນັກງານສະຖານທູດ ແລະ ສະມາຄົມຊາວຫວຽດນາມ ແຜ່ບໍລິຈາກ.