ອີຣານສ້າງສະພາປ້ອງກັນແຫ່ງຊາດໃໝ່
(VOVWORLD) - ວັນທີ 3 ສິງຫາ, ສື່ມວນຊົນລັດແຫ່ງອີຣານ ໄດ້ລົງຂ່າວວ່າ ສະພາຄວາມໝັ້ນຄົງແຫ່ງຊາດສູງສຸດຂອງປະເທດນີ້ໄດ້ໃຫ້ສັດຕະຍາບັນການສ້າງສະພາປ້ອງກັນແຫ່ງຊາດໃໝ່.
 ພາບປະກອບ: THX/TTXVN |
ການກະທຳດັ່ງກ່າວໄດ້ດຳເນີນກ່ວາໜຶ່ງເດືອນພາຍຫຼັງຄຳສັ່ງຢຸດຍິງ ສິ້ນສຸດການປະທະກັນທີ່ແກ່ຍາວເປັນເວລາ 12 ວັນລະຫວ່າງປະເທດນີ້ ກັບ ອິດສະລາແອັນ. ຊ່ອງໂທລະພາບແຫ່ງຊາດ ອີຣານ ໃຫ້ຮູ້ວ່າສະພາປ້ອງກັນແຫ່ງຊາດ ໃໝ່ໂດຍຈະແມ່ນທ່ານປະທານາທິບໍດີ ນຳໜ້າ ແລະ ລວມມີບັນດາຜູ້ບັນຊາການທະຫານຂັ້ນສູງ ພ້ອມກັບເຈົ້າໜ້າທີ່ ແລະ ລັດຖະມົນຕີຄົນຫຼັກແຫຼ່ງຫຼາຍທ່ານ. ໜ້າທີ່ຂອງສະພາແມ່ນ ພິຈາລະນາບັນດາຍຸດທະສາດປ້ອງກັນປະເທດ ແລະ “ເພີ່ມທະວີກຳລັງຄວາມສາມາດຂອງບັນດາກຳລັງປະກອບອາວຸດ ອີຣານ”.