(vovworld) - ວັນທີ 11 ກັນຍາ, ສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ (Vasep) ໃຫ້ຮູ້ວ່າ ເປັນຄັ້ງທຳອິດທີ່ ອາເມລິກາ ຮັບຮູ້ບັນດາວິສາຫະກິດສົ່ງອອກກຸ້ງຂອງຫວຽດນາມ ບໍ່ຂາຍບຸບລາຄາ ແລະ ຈັດອັດຕາພາສີແມ່ນ 0%. ຕາມ Vasep ແລ້ວ, ກອນໜ້ານັ້ນ, ວັນທີ 10 ກັນຍາ, ກະຊວງການຄ້າອາເມລິກາ (DOC) ມີຂໍ້ຕົກລົງສຸດທ້າຍກ່ຽວກັບອັດຕາພາສີຕ້ານການຂາຍບຸບລາຄາກຸ້ງແຊ່ເຢີນຫວຽດນາມ ທີ່ນຳເຂົ້າຕະຫຼາດອາເມລິກາ ແຕ່ວັນທີ 01 ກຸມພາ 2011 ຫາ 31 ມັງກອນ 2012. ເຊິ່ງຕາມນັ້ນແລ້ວ, DOC ຮັບຮູ້ວ່າ 33 ວິສາຫະກິດສົ່ງອອກກຸ້ງຂອງຫວຽດນາມ ທີ່ເຂົ້າຮ່ວມການພິຈາລະນາບໍລິຫານຄັ້ງທີ 7 ນີ້ (POR7), ລ້ວນແຕ່ບໍ່ຂາຍບຸບລາຄາຢູ່ຕະຫຼາດອາເມລິກາ. ສະນັ້ນ, 33 ວິສາຫະກິດລ້ວນແຕ່ໄດ້ຊົມໃຊ້ອັດຕາພາສີ 0%. Vasep ໃຫ້ຮູ້ວ່າ, ອາເມລິກາ ຈັດວາງອັດຕາພາສີຕ້ານການຂາຍບຸບລາຄາຄັ້ງທຳອິດສຳລັບກຸ້ງຫວຽດນາມ ແຕ່ປີ 2004, ດ້ວຍອັດຕາພາສີ 4,57% ໃຫ້ບັນດາວິສາຫະກິດເຂົ້າຮ່ວມພິຈາລະນາບໍລິຫານຄັ້ງທີ 1. ແຕ່ປີ 2004 ມາຮອດປະຈຸບັນ, ຜ່ານການກວດກາ 7 ຄັ້ງ, ພ້ອມກັບຄວາມມານະພະຍາຍາມ ໃນການຮ້ອງຟ້ອງຂອງບັນດາວິສາຫະກິດ, ສຸດທ້າຍ DOC ຕ້ອງຮັບຮູ້ບັນດາວິສາຫະກິດສົ່ງອອກກຸ້ງ ຂອງຫວຽດນາມ ບໍ່ຂາຍບຸບລາຄາ. ສະນັ້ນ, ນີ້ເປັນຄັ້ງທຳອິດທີ່ DOC ຕົກລົງອັດຕາພາສີ 0% ໃຫ້ທຸກໆວິສາຫະກິດສົ່ງອອກກຸ້ງຂອງຫວຽດນາມ ທີ່ເຂົ້າຮ່ວມການພິຈາລະນາບໍລິຫານພາສີຕ້ານການຂາຍບຸບລາຄາ.