(vovworld) – ຕອນຄຳ່ວັນທີ 8/12, ທີ່ສະຖານທູດ ຫວຽດນາມ ປະຈຳ ສະຫະພັນ ລັດເຊຍ, ຄະນະປະຕິບັດງານ ຫວຽດນາມ, ໂດຍທ່ານຮອງສາດສະດາຈານ, ດຣ ຫງວຽນຈີ໋ເບນ, ຫົວໜ້າສະຖາບັນວັດທະນະທຳ, ສິລະປະ ຫວຽດນາມ ເປັນຫົວໜ້າຄະນະ, ໄດ້ເຂົ້າຮ່ວມການພົບປະ, ແນະນຳກັບພໍ່ແມ່ປະຊາຊົນຫວຽດນາມ ຢູ່ສະຫະພັນລັດເຊຍ ກ່ຽວກັບເລື່ອງຍືນສະເໜີສຳເນົາເອກະສານມໍລະດົກ “ເພັງພື້ນເມືອງວີ໋ຢ້ຳແຂວງແງ້ຕິ້ງ” ຕໍ່ອົງການວັດທະນະທຳ, ວິທະຍາສາດ ແລະ ການສຶກສາ ສະຫະປະຊາຊາດ (UNESCO). ກ່າວຄຳເຫັນນະທີ່ນີ້, ທ່ານຮອງສາດສະດາຈານ, ດຣ ຫງວຽນຈີ໋ເບນ ໃຫ້ຮູ້ວ່າ: ສຳເນົາເອກະສານເພັງພື້ນເມືອງ ວີ໋ຢ້ຳ ຂອງ ແງ້ຕິ້ງ ຈະໄດ້ຮັບການພິຈາລະນາຮັບຮອງຈາກ UNESCO ວ່າແມ່ນມໍລະດົກວັດທະນະທຳບໍ່ມີຮູບຮ່າງຂອງມະນຸດໃນປີ 2014.
“ເລື່ອງແນະນຳມໍລະດົກດ້ວຍແຜ່ນ DVD ແນະນຳປື້ມເພັງພື້ນເມືອງ ວີ໋ຢ້ຳ ຂອງ ແງ້ຕິ້ງດ້ວຍພາສາ ຝຣັ່ງ, ອັງກິດ ແລະ ພາສາຫວຽດ ຈະເຮັດໃຫ້ປະຊາຄົມໂລກ ແລະ UNESCO ຮູ້ເຖິງມໍລະດົກ. ຂ້າພະເຈົ້າເຊື່ອໝັ້ນວ່າ, ໃນກອງປະຊຸມປີ 2014, ທຸກໆວຽກງານຂອງພວກເຮົາຈະດຳເນີນໄປເປັນຢ່າງດີ. ບັນດາເຈົ້າໜ້າທີ່ UNESCO ຕີລາຄາສູງເລື່ອງຫວຽດນາມ ເປັນເຈົ້າພາບຈັດຕັ້ງກອງປະຊຸມນັກຊ່ຽວຊານຂັ້ນສູງຂອງ UNESCO ກ່ຽວກັບການອະນຸລັກຮັກສາມໍລະດົກ ແລະ ການປ່ຽນແປງຂອງດິນຟ້າອາກາດ.”