ເພື່ອນ ວິໄລສຸກ, ແຂວງ ຫົວພັນ ໄດ້ສົ່ງອີແມວມາຍັງລາຍການໂດຍຖາມວ່າ: ຂ້າພະເຈົ້າໄດ້ຮູ້ຂ່າວວ່າ, ຢູ່ຫວຽດນາມ ມີຫໍພິພິດຕະພັນທຳມະຊາດຫວຽດນາມ. ສະນັ້ນ, ຂ້າພະເຈົ້າຢາກຮູ້ວ່າ, ຫໍພິພິດຕະພັນດັ່ງກ່າວຕັ້ງຢູ່ໄສ? ແລະໄດ້ວາງສະແດງວັດຖຸສິ່ງຂອງໃດແດ່? ເວລາເປີດບໍລິການຮັບໃຊ້ມືໃດໃນສັບປະດາ?
ເພື່ອນ ວິໄລສຸກ, ທີ່ຮັກແພງ, ຫໍພິພິດຕະພັນທຳມະຊາດຫວຽດນາມ, ຕັ້ງຢູ່ເຮືອນເລກທີ 18A, ຖະໜົນຮ່ວາງກ໋ວກຫວຽດ, ເມືອງເກົາໄຢ, ນະຄອນຫຼວງຮ່າໂນ້ຍ. ຫໍພິພິດຕະພັນດັ່ງກ່າວໄດ້ວາງສະແດງວັດຖຸພັນນັບພັນຢ່າງ ທີ່ຄວາມເປັນມາມະນຸດ ພ້ອມກັບທຳມະຊາດຫຼາຍຮູບຫຼາຍແບບ. ດ້ວຍເນື້ອທີ່ກວ້າງກວ່າ 300 ຕາແມັດ, ຫໍພິພິດຕະພັນທຳມະຊາດຫວຽດນາມ ໄດ້ວາງສະແດງວັດຖະພັນ ບັນດາສັດ, ພືດຢູ່ຫວຽດນາມ ກວ່າ 40.000 ຢ່າງ, ໂດຍບັນດານັກຊ່ຽວຊານ, ອົງການຊີວະສາດສະສົມ. ບໍ່ພຽງແຕ່ແມ່ນສະຖານທີ່ຢ້ຽມຊົມທັດສະນະສຶກສາເທົ່ານັ້ນ, ຫາກຫໍພິພິດຕະພັນທຳມະຊາດຫວຽດນາມ ຍັງແມ່ນສະຖານທີ່ເພື່ອຄົ້ນຄວ້າວິທະຍາສາດຂອງບັນດານັກຊ່ຽວຊານ ແລະ ບັນດານັກສຶກສາພວມຮ່ຳຮຽນຂະແໜງຊີວະສາດ, ກະສິກຳ, ປາໄມ້… ອີກດ້ວຍ. ຢູ່ທີ່ນີ້ຍັງມີບັນດາວັດຖຸສິ່ງຂອງທີ່ມີມາແຕ່ບູຮານ ຄືຫີນ Granit ທີ່ໄດ້ຮັບການຕີລາຄາຈາກບັນດານັກຊ່ຽວຊານວ່າແມ່ນຫີນມາແຕ່ບູຮານທີ່ສຸດໃນອາຊີຕາເວັນອອກສ່ຽງໃຕ້ ແລະ ໄດ້ຄົ້ນພົບຢູ່ອຽນບ໋າຍ ດ້ວຍອາຍຸໄດ້ 2,9 ຕື້ປີ. ປະຈຸບັນ, ຫໍພິພິດຕະພັນໄດ້ເປີດການບໍລິການຮັບໃຊ້ແຕ່ວັນພະຫັດ ຮອດວັນອາທິດ ໂດຍບໍ່ເສຍຄ່າ.
ເພື່ອນ ຫງວຽນຮ່ວາງຮ່າ, ຊາວຫວຽດນາມ ອາໄສຢູ່ແຂວງຫົວພັນ, ປະເທດລາວ, ໄດ້ສົ່ງອີແມວມາຍັງລາຍການໂດຍຖາມວ່າ: ຂ້າພະເຈົ້າໄດ້ຍິນວ່າ ສະຖານີທລະພາບແຫ່ງຊາດລາວ ມີລາຍການຂ່າວເປັນພາສາຫວຽດນາມ. ຂ້າພະເຈົ້າຢາກຮູ້ແຈ້ງຕື່ມກ່ຽວກັບບັນດາລາຍການຂ່າວດັ່ງກ່າວ ແລະ ເວລາອອກອາກາດ?
ເພື່ອນ ຫງວຽນຮ່ວາງຮ່າ, ທີ່ຮັກແພງ, ລາຍການຂ່າວເປັນພາສາຫວຽດນາມ ໄດ້ອອກອາກາດໃນຊ່ອງ 1, ສະຖານີໂທລະພາບແຫ່ງຊາດລາວ, ໂດຍພະແນກຂ່າວພາສາຫວຽດ, ຊ່ອງໂທລະພາບແຫ່ງຊາດລາວ ປະຕິບັດ, ໄດ້ອອກກາດໃນເວລາ 18 ໂມງ, ແຕ່ວັນຈັນຫາວັນສຸກ ດ້ວຍເວລາ 15 ນາທີ. ລາຍການຂ່າວທີ່ອອກອາກາດດ້ວຍພາສາຫວຽດນາມ ໄດ້ສຸມໃສ່ໂຄສະນາແນວທາງ, ແຜນນະໂຍບາຍຂອງພັກ ແລະ ລັດລາວ. ທ່ານ ບຸນເຈົ້າ ພິຈິດ, ຜູ້ອຳນວຍການໃຫຍ່ສະຖານີໂທລະພາບແຫ່ງຊາດລາວ ໃຫ້ຮູ້ວ່າ: ເລື່ອງສະຖານີວິທະຍຸໂທລະພາບແຫ່ງຊາດລາວ ສ້າງ ແລະ ອອກອາກາດລາຍການເປັນພາສາຫວຽດ ໄດ້ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການຮ່ວມມືລະຫວ່າງ 2 ປະເທດໃນບັນດາພາຫະນະການສື່ສານຕ່າງໆ. ນີ້ແມ່ນຊ່ອງຂໍ້ມູນຂ່າວທີ່ມີປະສິດທິຜົນ ເພື່ອໃຫ້ປະຊາຄົມຊາວຫວຽດນາມ ອາໄສຢູ່ລາວ ມີຄວາມເຂົ້າໃຈກ່ຽວກັບແນວທາງ, ແຜນນະໂຍບາຍ, ນະໂຍບາຍຂອງພັກ, ລັດປະຊາຊົນປະຕິວັດລາວ, ຂອງລັດ ສປປ.ລາວ ຢ່າງເລິກເຊິ່ງກວ່າ. ທ່ານ ບຸນເຈົ້າ ພິຈິດ ກ່າວວ່າ.
(ທ່ານ ບຸນເຈົ້າ ພິຈິດ)
ທ່ານຜູ້ຟັງທີ່ເຄົສລົບ, ດັ່ງທີ່ກ່າວມາຂ້າງເຖິງແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມືມັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊ່ອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov5@gmail.com.