(ພາບ:old.vtv.vn)
(vovworld)-ວັນທີ 5/9 ແມ່ນວັນໄຂສົກຮຽນໃໝ່ຢ່າງເປັນທາງການໃນຂອບເຂດທົ່ວປະເທດຫວຽດນາມ, ບັນດາການນຳພັກ, ລັດໄດ້ເຂົ້າຮ່ວມພິທີໄຂສົກຮຽນໃໝ່ພ້ອມກັບຄູອາຈານ ແລະ ນັກຮຽນຢູ່ທ້ອງຖິ່ນຕ່າງໆ. ຕອນເຊົ້າວັນທີ 5/9, ທ່ານດິງເທຮິງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ໄດ້ເຂົ້າຮ່ວມພິທີໄຂສົກຮຽນໃໝ່ຢູ່ໂຮງຮຽນມັດທະຍົມຕອນປາຍລົງເລິກວິຊາເລຮົງຟອງ ນະຄອນນາມດິ້ງ ແລະ ມອບຫຼຽນໄຊເອກະລາດຊັ້ນ 1 ໃຫ້ແກ່ໂຮງຮຽນ.
ໃນຕອນເຊົ້າຂອງວັນດຽວກັນ, ທ່ານນາງຮອງປະທານປະເທດຫງວຽນທິຢວານ ໄດ້ເຂົ້າຮ່ວມພິທີໄຂສົກຮຽນໃໝ່ຢູ່ແຂວງເຊີນລາ ແລະ ມອບຫຼຽນໄຊແຮງງານຊັ້ນ 3 ໃຫ້ແກ່ໂຮງຮຽນມັດທະຍົມຕອນປາຍລົງເລິກວິຊາເຊີນລາ. ນະທີ່ນີ້, ທ່ານນາງຮອງປະທານປະເທດຫງວຽນທິຢວານ ພ້ອມກັບການນຳກະຊວງສຶກສາ ແລະ ບຳລຸງສ້າງຫວຽດນາມ, ກະຊວງແຮງງານທະຫານເສຍອົງຄະ ແລະ ສັງຄົມ, ສະພາກາແດງຫວຽດນາມ, ການນຳແຂວງເຊີນລາ ໄດ້ມອບທຶນສຶກສາລາຍການ “ໄປໂຮງຮຽນພ້ອມກັບນ້ອງ“ ໃຫ້ແກ່ນັກຮຽນປະສົບກັບຄວາມຫຍຸ້ງຍາກໃນເຂດຫ່າງໄກສອກຫລີກແຂວງເຊີນລາ.