(ພາບ:thanhnien.com.vn)

(VOV)- ຕອນ​ເຊົ້າວັນ​ທີ 29/10, ບັນດາສະມາຊິກ​ສະພາ​ແຫ່ງ​ຊາດ​ເຂົ້າຮ່ວມ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ສະພາ​ແຫ່ງ​ຊາດ​ຫວຽດນາມ ຊຸດ​ທີ 13 ​ໄດ້​​ກວດ​ຢັ້ງຢືນຮ່າງ​ກົດໝາຍ​ສຳຄັນ​ບາງສະບັບ​ຄື: ກົດໝາຍ​ວ່າ​ດ້ວຍ​ທີ່​ດິນ (ສະບັບ​ປັບປຸງ); ​ກົດໝາຍ​ວ່າ​ດ້ວຍການ​ໄກ່​ເກ່ຍປອດ​ດອງ​ຮາກ​ຖານ, ​ກົດໝາຍ​ວ່າ​ດ້ວຍການ​ປ້ອງ​ກັນ, ຕ້ານ​ການ​ກໍ່​ການ​ຮ້າຍ….ຮ່າງ​ກົດໝາຍ​ວ່າ​ດ້ວຍທີ່​ດິນ​ຈະ​ຖືກ​ປັບປຸງ​ຕາມ​ທິດ​ເພີ່ມ​ເຕີມ​ບັນດາ​ຂໍ້​ກຳນົດ​ໃໝ່​ກ່ຽວ​ກັບ​ລາຄາ​ທີ່​ດິນ, ຊົດ​ເຊີຍ​ທີ່​ດິນ. ຮ່າງ​ກົດໝາຍ​ວ່າ​ດ້ວຍການ​ປ້ອງ​ກັນ, ຕ້ານ​ການ​ກໍ່​ການ​ຮ້າຍ​ໂດຍ​ກະຊວງ​ຕຳຫຼວດ​ຫວຽດນາມ ຮຽບຮຽງ​ໄດ້​ຖືກ​ຍົກ​ມາ​ປຶກສາ​ຫາລື, ​ຮັບເອົາ​ຄຳ​ເຫັນ​ຂອງ​ບັນດາ​ສະມາຊິກ​ສະພາ​ແຫ່ງ​ຊາດ​ທີ່​ກອງ​ປະຊຸມ​ຄັ້ງນີ້​ຍ້ອນ​ວ່າ​ນີ້​ແມ່ນ​ຮ່າງ​ກົດໝາຍ​ໃຫ່ຍ, ສັບສົນ, ສະດຸ້ງ​ໄວ​ໃນ​ສະພາບ​ການ​​ໂລກ​ປະຈຸ​ບັນ. ຈາກ​ນັ້ນຈະ​ຊ່ວຍ​ໃຫ້​ການປັບປຸງຮ່າງ​ກົດໝາຍ​ໃຫ້​ສອດຄ່ອງ​ກັບ​ໂລກ​.

​   ໃນ​ຕອນບ່າຍ​ຂອງ​ວັນ​ດຽວ​ກັນ, ບັນດາສະມາຊິກ​ສະພາ​ແຫ່ງ​ຊາດປຶກສາ​ຫາລື​ຢູ່​ໜ່ວຍ​ກ່ຽວ​ກັບ​ເລື່ອງ​ລົງ​ຄະ​ແນນ​ສຽງ​ໄວ້​ວາງ​ໃຈ, ປ່ອນ​ບັດ​ໄວ້​ວາງ​ໃຈ​ສຳລັບ​ຜູ້​ດຳລົງ​ຕຳ​ແໜ່​ງ​ໂດຍ​ສະພາ​ແຫ່ງ​ຊາດ, ສະພາ​ປະຊາຊົນ​ເລືອກ​ຕັ້ງຫລື​ໃຫ້​ສັດຕະຍາບັນ. ການ​ເອົາ​ລົງ​ຄະ​ແນນ​ສຽງ​ໄວ້​ວາງ​ໃຈຈະ​ຖືກ​ດຳ​ເນີນ​ໄປ​ເປັນ​ປະຈຳ​ຕາມ​ຮູບ​ການ​ປ່ອນ​ບັດ​ລັບ. ສະພາ​​ແຫ່ງ​ຊາດຈະ​ຮັບ​ເອົສບັດໄວ້​ວາງ​ໃຈ​ສຳລັບ​ບັນດາ​ຕຳ​ແໜ່​ງສຳຄັນ​ຄື: ປະທານ​ສະພາ​ແຫ່ງ​ຊາດ, ບັນດາ​ຮອງ​ປະທານ​ສະພາ​ແຫ່ງ​ຊາດ, ປະທານ​ປະ​ເທດ, ຮອງ​ປະທານ​ປະ​ເທດ, ນາຍົກລັດຖະມົນຕີ, ບັນດາ​ຮອງ​ນາຍົກລັດຖະມົນຕີ, ບັນດາ​ລັດຖະມົນຕີ….​ລວມ 49 ຕຳ​ແໜ່​ງ. ສຳລັບ​ການ​ປ່ອນ​​ບັດ​ໄວ້​ວາງ​ໃຈພຽງ​ແຕ່​ດຳ​ເນີນ​ສຳລັບ​ບັນດາ​ຜູ້​ໄດ້​ຮັບ​ຄວາມ​ໄວ້​ວາງ​ໃຈ​ໃນ​ລະດັບ​ຕ່ຳ​ຢູ່​ຮອບ​ລົງ​ຄະ​ແນນ​ສຽງ​ໄວ້​ວາງ​ໃຈ​ເທົ່າ​ນັ້ນ.

ບັນດາ​ຄຳ​ເຫັນ​ໄດ້​ເຫັນ​ດີ​ສູງ​ເລື່ອງ​ລົງ​ຄະ​ແນນ​ສຽງ​ໄວ້​ວາງ​ໃຈຈະ​ຖືກ​ດຳ​ເນີນ​ປະຈຳ​ປີ​ຕາມ​ຮູບ​ການ​ປ່ອນ​ບັດ​ລັບ.  ​ແຕ່​ເຖິງ​ຢ່າງ​ໃດ​ກໍ່ຕາມ, ກ່ຽວ​ກັບ​ບັນດາ​ລະດັບ​ຕີ​ລາຄາ​ໃນ​ບັດ​ໄວ້​ວາງ​ໃຈ​ກໍ່​ຍັງ​ມີ​ຫຼາຍ​ຄຳ​ເຫັນ​ແຕກ​ຕ່າງ​ກັນ. ທ່ານ Tran Dinh Nha ສະມາຊິກ​ສະພາ​ແຫ່ງ​ຊາດ​ແຂວງ Thua Thien Hue ​ໃຫ້​ຄຳ​ເຫັນ​ວ່າ:

   “ຂ້າພະ​ເຈົ້າຄິດ​ວ່າ ການ​ປ່ອນ​ບັດ​ໄວ້​ວາງ​ໃຈ​ມີ​ພຽງ 2 ຂໍ້ ເທົ່າ​ນັ້ນ, ຍັງ​ມີ​ຄວາມ​ໄວ້​ວາງ​ໃຈ​ຫລື​ວ່າ​ບໍ່​ມີ​ຄວາມ​ໄວ້​ວາງ​ໃຈ. ​ແຕ່​ພວກ​ເຮົາ​ໄດ້​ຍົກ​ອອກ 4 ຂໍ້: ຄວາມ​ໄວ້​ວາງ​ໃຈ​ສູງ, ປານ​ກາງ, ຕ່ຳ ​ແລະ ບໍ່​ມີ​ຄຳ​ເຫັນ. ຂ້າພະ​ເຈົ້າຄິດ​ວ່າ​ພວກ​ເຮົາ​ຕ້ອງ​ປ່ອນ​ບັດຄືນ​ໃໝ່​ສຳລັບຜູ້​ມີ​ບັດ​ໄວ້​ວາງ​ໃຈ​ຕ່ຳ​, ບໍ່​ຕ້ອງ​ລໍຖ້າ​ອີກ​ປີໜຶ່ງ“