![ການໂອ້ລົມສົນທະນາອາຊຽນພາຍຫຼັງຄຳຕັດສິນຂອງສານອະນຸຍາໂຕຕຸລາການສຳລັບບັນດາການຂັດແຍ້ງກັນຢູ່ທະເລຕາເວັນອອກ - ảnh 1](https://image.vovworld.vn/w730/uploaded/vovworld/bcgmbuiq/2016_07_27/doithoaiaseanvehauphanquyetcuatoatrongtaivebiendong.jpg)
ການໂອ້ລົມສົນທະນາ ອາຊຽນ ຄັ້ງທີ 36 ດ້ວຍຫົວຂໍ້ວ່າ “ພາຍຫຼັງຄຳຕັດສິນຂອງສານອະນຸຍາໂຕຕຸລາການກ່ຽວກັບການຂັດແຍ້ງກັນ ຢູ່ທະເລຕາເວັນອອກ”
(ພາບ: Đỗ Quyên/Vietnam+)
(vovworld) – ວັນທີ 26/7, ຢູ່ນະຄອນຫຼວງ ຈາກາກຕາ, ປະເທດ ອິນໂດເນເຊຍ, ສູນ Habibie ໄດ້ຈັດຕັ້ງການໂອ້ລົມສົນທະນາ ອາຊຽນ ຄັ້ງທີ 36 ດ້ວຍຫົວຂໍ້ວ່າ “ພາຍຫຼັງຄຳຕັດສິນຂອງສານອະນຸຍາໂຕຕຸລາການກ່ຽວກັບການຂັດແຍ້ງກັນຢູ່ທະເລຕາເວັນອອກ”. ນີ້ແມ່ນການໂອ້ລົມສົນທະນາຄັ້ງທຳອິດລະຫວ່າງບັນດານັກຮຽນຮູ້, ມາຈາກບັນດາສູນ, ບັນດາສະຖານບັນຄົ້ນຄ້ວາໃຫຍ່ຂອງ ອິນໂດເນເຊຍ ເປັນຕົ້ນກໍ່ຄືກະຊວງການຕ່າງປະເທດ ອິນໂດເນເຊຍ ເພື່ອແນໃສ່ກຳນົດບັນດາຜົນສະທ້ອນຂອງຄຳຕັດສິນສຳລັບສະຖຽນລະພາບຢູ່ພາກພື້ນ, ກຳນົດບັນດາສິ່ງທ້າທາຍ ແລະ ກາລະໂອກາດພາຍຫຼັງຄຳຕັດສິນສຳລັບເອກະພາບ ແລະ ບົດບາດໃຈກາງຂອງ ອາຊຽນ ໃນການຮັກສາສັນຕິພາບ ແລະ ສະຖຽນລະພາບໃນພາກພື້ນ, ຕີລາຄາບັນດາປະຕິກິລິຍາ, ການກະທຳຂອງ ອິນໂດເນເຊຍ ແລະ ບັນດາຝ່າຍກ່ຽວຂ້ອງສາມາດຜັນຂະຫຍາຍເພື່ອແນໃສ່ຂຸດຄົ້ນຄຳຕັດສິນຂອງສານເພື່ອຮັກສາສັນຕິພາບ ແລະ ສະຖຽນລະພາບຂອງພາກພື້ນຢ່າງສູງສຸດ. ທ່ີການໂອ້ລົມສົນທະນາ, ບັນດາຜູ້ແທນໄດ້ຫວນຄືນເຫດການສານອະນຸຍາໂຕຕຸລາການ ຢູ່ ລາໄຮ (ປະເທດ ໂຮນລັງ) ວັນທີ 12/7 ໄດ້ອອກຄຳຕັດສິນກ່ຽວກັບກໍລະນີ ຟີລິບປິນ ຟ້ອງຮ້ອງ ຈີນ ກ່ຽວຂ້ອງເຖິງບັນດາການຂັດແຍ້ງກັນຢູ່ທະເລຕາເວັນອອກ. ຕາມຄຳຕັດສິນຂອງສານ, ຈີນ ບໍ່ມີ “ຖານະປະຫວັດສາດ” ສຳລັບບັນດາເຂດນ່ານທະເລຢູ່ທະເລຕາເວັນອອກ ແລະ ບໍ່ມີຫຼັກຖານນິຕິທຳເພື່ອຍົກອອກບັນດາຄຳຖະແຫຼງກ່ຽວກັບ “ບັນດາສິດປະຫວັດສາດ” ສຳລັບບັນດາແຫຼ່ງຊັບພະຍາກອນທຳມະຊາດໃນ “ເສັ້ນ 9 ຕອນ”. ທຸກໆປະເທດໃນພາກພື້ນລ້ວນແຕ່ປາດຖະໜາຮັກສາສະພາບການສະຖຽນລະພາບໃນພາກພື້ນເພື່ອຮັບໃຊ້ການພັດທະນາເສດຖະກິດ, ເສີມຂະຫຍາຍຜົນສະທ້ອນຂອງແຕ່ລະປະເທດ, ເຖິງວ່າລະດັບຄວາມເພິ່ງພໍໃຈສຳລັບຄຳຕັດສິນແມ່ນແຕກຕ່າງກັນສຳລັບບາງປະເທດກໍ່ຕາມ.