(vovworld) – ວັນ​ທີ 26/11, ຢູ່ ຮ່າ​ໂນ້ຍ, ສະ​ມາ​ຄົມ​ນັກ​ຖ່າຍ​ຮູບ ຫວຽດ​ນາມ ໄດ້​ສົມ​ທົບ​ກັບ​ໜັງ​ສື​ພິມ ຕ໋ວຍ​ເຈ໋ (ໄວ​ໜຸ່ມ) ຈັດ​ຕັ້ງ​ພິ​ທີ​ມອບ​ລາງວັນ ແລະ ໄຂ​ງານ​ວາ​ງ​ສະ​ແດງ​​ຮູ​ບ​​ຖ່າຍສາ​ລະ​ຄະ​ດີ “ຫວຽດ​ນາມ - ປະ​ເທດ​ຊາດ, ປ​ະ​ຊາ​ຊົນ” 2016.

        ສະ​ມາ​ຄົມ​ນັກ​ຖ່າຍ​ຮູບ ຫວຽດ​ນາມ ໄດ້​ສົມ​ທົບ​ກັບ​ໜັງ​ສື​ພິມ ຕ໋ວຍ​ເຈ໋ (ໄວ​ໜຸ່ມ)ຈັດ​ຕັ້ງ​ການ​ເສັງ​​ຮູ​ບ​​ຖ່າຍສາ​ລະ​ຄະ​ດີ “ຫວຽດ​ນາມ - ປະ​ເທດ​ຊາດ, ປ​ະ​ຊາ​ຊົນ” 2016. ຜ່ານ​ການ​ຄັດ​ເລືອກ​ເປັນ 4 ຮອບ, ຄະ​ນະ​ກຳ​ມະ​ການ​ໄດ້​ເລືອກ​ເອົາ​ຮູບ​ຖ່າຍ 55 ແຜ່ນ​ເພື່ອ​ນຳ​ໄປ​ເຂົ້າ​ຮ່ວມ​ງານ​ວາງ​ສະແດງ. ​ໃນນັ້ນ ມີ​ຮູບ​ຖ່າຍ​ດີ​ເດັ່ນ 11 ແຜ່ນ​ໄດ້​ຮັບ​ລາງວັນ​ຊຶ່ງ​ລວມ​ມີ: ​ 1 ຫຼຽ​ນ​ຄຳ, 2 ຫຼຽນ​ເງິນ, 3 ຫຼຽນ​ທອງ ແລະ 5 ລາງວັນ​ຊົມ​ເຊີຍ.