ທ່ານ​ ຫງວຽນ​ທ້ຽນ​ເຍີນ, ຮອງ​ນາຍົກລັດຖະ​ມົນຕີ,​ເຮັດ​ວຽກ​ກັບ ສະມາ​ຄົມ​ສາສະຫນາ​ໂປ​ແຕດ​ສະ​ຕັງ ພາບ: internet

(vovworld)- ​ທ່ານ​ ຫງວຽນ​ທ້ຽນ​ເຍີນ, ຮອງ​ນາຍົກລັດຖະ​ມົນຕີ, ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ໄດ້​ຢືນຢັນ​ຄື​ດັ່ງກ່າວ​ເມື່ອ​ລົງ​ຢ້ຽມຢາມ ​ແລະ ​ເຮັດ​ວຽກ​ກັບ​ຫົວຫນ້າ​ ສະມາ​ຄົມ​ສາສະຫນາ​ໂປ​ແຕດ​ສະ​ຕັງຫວຽດນາມ ​ເຂດ​ພາກ​​ເຫນືອ ​ເນື່ອງ​ໃນ​ໂອກາດ​ກອງ​ປະຊຸມ​ໃຫຍ່​ຄັ້ງ​ທີ 34 ຂອງ​ສະມາຄົມ​ຊື່​ງຈະ​ຈັດ​ຂຶ້ນ​ໃນ​ຕົ້ນ​ເດືອນ 10 ຈະ​ມາ​ເຖິງ. ສະມາ​ຄົມ​ສາສະຫນາ​ໂປ​ແຕດ​ສະ​ຕັງຫວຽດນາມ ​ເຂດ​ພາກ​​ເຫນືອ ​ແມ່ນອົງການ​ຕາງຫນ້າ​ໃຫ້​ແກ່​ສາສະ​ນິກະ​ຊົນ​ປະມານ 150.000 ຄົນ ຢູ່ 27 ​ແຂວງ​ທາງ​ພາກ​ເຫນືອ​ຫວຽດນາມ. ທີ່​ການ​ເຮັດ​ວຽກ, ຫລວງ​ພໍ່ ຫງວຽນ​ຫື​ວມາກ, ຫົວຫນ້າສະມາ​ຄົມ​ສາສະຫນາ​ໂປ​ແຕດ​ສະ​ຕັງຫວຽດນາມຢືນຢັນ: ດ້ວຍ​ບົດບາດ​ແມ່ນ​ສະມາຊິກ​ຂອງ​ແນວ​ໂຮມ​ປະ​ເທດ​ຊາດ, ສະມາຄົມ​ສາສະຫນາ​ໂປ​ແຕດ​ສະ​ຕັງ ຈະ​ສືບ​ຕໍ່​ສະຫນັບສະຫນູນ​ບັ້ນ​ຂົນຂວາຍ​ຕ່າງໆ​ໂດຍ​ແນວ​ໂຮ​ມປຸກລະດົມ. ທ່ານ​ຮອງ​ນາຍົກລັດຖະມົນຕີ ຫງວຽນ​ທ້ຽນ​ເຍີນ ຊົມ​ເຊີຍ​ບັນດາ​ການ​ປະກອບສ່ວນ​ຂອງ​ສະມາຄົມສາສະຫນາ​ໂປ​ແຕດ​ສະ​ຕັງຫວຽດນາມ ​ເຂດ​ພາກ​ເຫນືອ​ໃນ​ຫລາຍ​ປີຜ່ານມາ ພ້ອມ​ທັງ​ຢືນຢັນ​ວ່າ: ​ຍາມ​ໃດແນວ​ໂຮມ​ປະ​ເທດ​ຊາດ ກໍ​ສະ​ຫນັບ​ສະ​ຫນູນ ​ແລະ ສ້າງ​ເງື່ອນ​ໄຂ​ສະດວກ​ໃຫ້​ແກ່​ບັນດາ​ການ​ເຄື່ອນ​ໄຫວ​ຂອງ​ສະມາຄົມ, ປາດ​ຖະຫນາ​ຢາກ​ໃຫ້​ບັນດາ​ສາສະ​ນິກະ​ຊົນ​ເຄື່ອນ​ໄຫວ​ທາງ​ສາສະຫນາ​ເປັນ​ປົກກະຕິ.