ຕວກກີຢຸດຕິການພົວພັນທາງການທູດຂັ້ນສູງກັບໂຮນລັງ
ທ່ານຮອງນາຍົກລັດຖະມົນຕີຕວກກີ Numan Kurtulmus
(ພາບ: AFP/TTXVN)
(vovworld) - ວັນທີ 13/03, ຕວກກີ ຖະແຫຼງຢຸດຕິການພົວພັນທາງການທູດຂັ້ນສູງກັບໂຮນລັງ ພາຍຫຼັງເຈົ້າໜ້າທີ່ປະເທດນີ້ກີດຂວາງບັນດາລັດຖະມົນຕີຕວກກີ ກ່າວປາໄສຢູ່ພິທີໂຮມຊຸມນຸມມິດຕິງກັບປະຊາຄົມຊາວຕວກກີ ຢູ່ໂຮນລັງ ເພື່ອແນໃສ່ຮຽກຮ້ອງການສະໜັບສະໜູນການລົງປະຊາມະຕິກ່ຽວກັບການປະຕິຮູບລັດຖະທຳມະນູນຈະມາເຖິງ. ກ່າວຄຳເຫັນທີ່ການປະຊຸມຂ່າວ, ພາຍຫຼັງກອງປະຊຸມສະມາຊິກລັດຖະບານ, ທ່ານຮອງນາຍົກລັດຖະມົນຕີຕວກກີ Numan Kurtulmus ຖະແຫຼງວ່າ, ອານກາຣາ ຈະບໍ່ອະນຸຍາດໃຫ້ເອກອັກຄະລັດຖະທູດໂຮນລັງ ປະຈຳປະເທດນີ້ ກັບຄືນມາປະຈຳການ ຈົນຮອດເວລາໂຮນລັງ ຕອບສະໜອງບັນດາເງື່ອນໄຂຂອງຕວກກີ ທີ່ກ່ຽວຂ້ອງເຖິງບັນດາການໂຮມຊຸມນຸມມິດຕິງ. ບັນດາຖ້ຽວບິນຮັບໃຊ້ການທູດກໍ່ຈະຖືກຢຸດຕິ.
ໃນເຫດການທີ່ກ່ຽວຂ້ອງ, ອີຢູ, ເລຂາທິການໃຫຍ່ NATO, ຜູ້ຕາງໜ້າຂັ້ນສູງຮັບຜິດຊອບນະໂຍບາຍປ້ອງກັນຄວາມສະຫງົບ ແລະ ພົວພັນກັບຕ່າງປະເທດ ແລະ ຂ້າຫຼວງໃຫຍ່ EU ຮັບຜິດຊອບການເປີດກວ້າງກຸ່ມ ລ້ວນແຕ່ ຮຽກຮ້ອງຕວກກີ ຈົ່ງລະງັບໃຈເພື່ອຫຼີກລ້ຽງການກະທຳເຊິ່ງເຮັດໃຫ້ເພີ່ມຄວາມເຄັ່ງຕຶງກັບໂຮນລັງ.