ທ່ານປະທານປະເທດເຈືອງເຕີນຊາງ ພົບປະກັບຊາວຫວຽດນາມ
ອາໄສຢູ່ ອາເມລິກາ ແລະ ເພື່ອນມິດອາເມລິກາ
ພາບ:TTXVN
(vovworld)- ຕອນຄ່ຳວັນທີ 26/9 ຕາມເວລານິວຢອກ, ທ່ານປະທານປະເທດເຈືອງເຕີນຊາງ ໄດ້ພົບປະກັບຊາວຫວຽດນາມ, ນັກຮຽນນັກສຶກສາຫວຽດນາມ ອາໄສ ແລະ ຮ່ຳຮຽນຢູ່ ອາເມລິກາ ແລະ ພະນັກງານຄະນະຜູ້ຕາງຫນ້າຫວຽດນາມ ຢູ່ ສປຊ ພ້ອມກັບເພື່ອນມິດ ອາເມລິກາ. ທ່ານປະທານປະເທດເຈືອງເຕີນຊາງ ໃຫ້ຮູ້ວ່າ: ພ້ອມກັບວິວັດການເຊື່ອມໂຍງ,ຍາມໃດຫວຽດນາມ ກໍປະຕິບັດແນວທາງການຕ່າງປະເທດເອກະລາດ, ເປັນເຈົ້າຕົນເອງ ແລະ ຕັ້ງຫນ້າເຊື່ອມໂຍງເຂົ້າກັບສາກົນ. ຫວຽດນາມ ກໍຕັ້ງຫນ້າເຂົ້າຮ່ວມບັນດາອົງການສາກົນ, ໝັ້ນໝາຍປະກອບສ່ວນພ້ອມກັບ ສປຊ ປະຕິບັດພາລະກຳຂອງກຳລັງຮັກສາສັນຕິພາບສາກົນ. ທ່ານປະທານປະເທດເຈືອງເຕີນຊາງ ເວົ້າວ່າ:
“ຫນຶ່ງໃນບັນດາສິ່ງທ້າທາຍນັບມື້ນັບຮ້າຍແຮງສຳລັບສັນຕິພາບ, ສະຖຽນລະພາບ, ການພັດທະນາຢູ່ ພາກພື້ນ ອາຊີຕາເວັນອອກສ່ຽງໃຕ້ ແລະ ອາຊີ ປາຊີຟີກ ນັ້ນແມ່ນແກ້ໄຂການຂັດແຍ້ງຢູ່ທະເລຕາເວັນອອກ. ພັກ, ລັດ ແລະ ປະຊາຊົນຫວຽດນາມ ຍາມໃດກໍຢືດໝັ້ນ ແລະ ຕັດສິນໃຈປົກປັກຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຫວຽດນາມ.”
ທ່ານປະທານປະເທດເຈືອງເຕີນຊາງ ສະແດງຄວາມປິຕິຊົມຊື່ນຕໍ່ບັນດາຄວາມຄືບຫນ້າໃນການພົວພັນລະຫວ່າງ ຫວຽດນາມແລະ ອາເມລິກາ ພາຍຫລັງການຢ້ຽມຢາມ ອາເມລິກາຂອງປະທານປະເທດເມື່ອປີ 2013 ແລະ ການຢ້ຽມຢາມຂອງທ່ານເລຂາທິການໃຫຍ່ ຫງວຽນຟູຈ້ອງ ຫວ່າງແລ້ວນີ້. ທ່ານປະທານປະເທດເຈືອງເຕີນຊາງ ຮຽກຮ້ອງຊາວຫວຽດນາມ ອາໄສຢູ່ຕ່າງປະເທດ ຍາມໃດກໍອ່ວາຍຫນ້າເມືອຫາປະເທດຊາດ ພອ້ມທັງປາດຖະຫນາເພື່ອນມິດ ອາເມລິກາ ສະຫນັບສະຫນູນຫລາຍກວ່າໃຫ້ການພົວພັນຄູ່ຮ່ວມມືຮອບດ້ານລະຫວ່າງສອງປະເທດ ເພື່ອຜົນປະໂຫຍດຂອງປະຊາຊົນສອງປະເທດ ເພື່ອສັນຕິພາບ ສະຖຽນລະພາບ ແລະ ການພັດທະນາຂອງພາກພື້ນ ແລະ ໃນໂລກ.