(vovworld) - ຕອນບ່າຍວັນທີ 13/05, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ, ເລຂາຄະນະພັກການທະຫານສູນກາງ, ໄດ້ໃຫ້ການຕ້ອນຮັບບັນດາຜູ້ແທນທີ່ເຂົ້າຮ່ວມກອງປະຊຸມໃຫຍ່ກຳມະບານກອງທັບຄັ້ງທີ 8 ຢູ່ນະຄອນຫຼວງຮ່າໂນ້ຍ. ທີ່ການພົບປະ, ທ່ານເລຂາທິຫານໃຫຍ່ ຫງວຽນຟຸ໋ຈ້ອງ ໄດ້ຫວນຄືນບົດບາດຂອງກຳລັງກອງທັບ ແມ່ນກຳລັງສູ້ຮົບ, ກຳລັງປະຕິບັດວຽກງານ ແລະ ທຳການຜະລິດ. ທ່ານເລຂາທິການໃຫຍ່ ຫງວຽນຟຸ໋ຈ້ອງ ຊີ້ແຈ້ງວ່າ.
“ກອງປະຊຸມໃຫຍ່ກຳມະບານຄັ້ງນີ້ມີຄວາມໝາຍສຳຄັນຍິ່ງ ຍ້ອນພວກເຮົາພວມຜັນຂະຫຍາຍແນວທາງກອງປະຊຸມໃຫຍ່ຄັ້ງທີ 11 ຂອງພັກ ແລະ ກອງປະຊຸມໃຫຍ່ອົງຄະນະພັກກອງທັບຄັ້ງທີ 9, ປະຕິບັດມະຕິເລກທີ 20 ກ່ຽວກັບການກໍ່ສ້າງຊົນຊັ້ນກຳມະກອນໃນໄລຍະຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ. ປະເທດຊາດພວມມີການຫັນປ່ຽນຢ່າງຕັ້ງໜ້າ, ດີງາມ ແຕ່ພວມຢືນຢູ່ຕໍ່ໜ້າຄວາມຫຍຸ້ງຍາກ, ສິ່ງທ້າທາຍນາໆປະການ. ກຳລັງກຳມະບານໃນກອງທັບມີທີ່ຕັ້ງ, ບົດບາດສຳຄັນຍິ່ງ. ກອງທັບ ແມ່ນກອງທັບວິລະຊົນຂອງປະຊາຊົນຫວຽດນາມ ວິລະຊົນ, ແມ່ນກຳລັງຫຼັກແຫຼ່ງເພື່ອປົກປັກຮັກສາ, ສ້າງສາປະເທດຊາດ. ເຊິ່ງກຳມະບານແມ່ນກຳລັງການເມືອງພື້ນຖານຂອງພັກ”.
ທ່ານເລຂາທິການໃຫຍ່ປາດຖະໜາວ່າ ພາຍຫຼັງເຂົ້າຮ່ວມກອງປະຊຸມໃຫຍ່, ບັນດາຜູ້ແທນຈະສືບຕໍ່ເສີມຂະຫຍາຍບົດບາດເປັນແບບຢ່າງ, ແມ່ນແກ່ນສານໃນບັນດາຂະບວນການແຂ່ງຂັ້ນຮັກສາດ, ໂຄສະນາ ແລະ ນຳມະຕິຂອງກອງປະຊຸມໃຫຍ່ກຳມະບານກອງທັບ ແລະ ມະຕິກອງປະຊຸມໃຫຍ່ອົງຄະນະພັກກອງທັບຄັ້ງທີ 9 ເຂົ້າໃນຊີວິດ, ປຸກລະດົມພະນັກງານ, ກຳມະກອນ, ພາລະກອນປ້ອງກັນຊາດທົ່ວກອງທັບ ປະກອບເຫື່ອແຮງເພື່ອພ້ອມກັບທົ່ວປະເທດຜ່ານຜ່າຄວາມຫຍຸ້ງຍາກ, ສິ່ງທ້າທາຍໃນວິວັດການສ້າງສາປະເທດຊາດ ແລະ ປົກປ້ອງບັນດາໝາກຜົນແຫ່ງການປະຕິວັດ.