(vovworld) – ກອງປະຊຸມສຳມະນາ “ແນະນຳອາຊີບຂະແໜງໄຟຟ້ານິວເຄຼຍ ສຳລັບນັກຮຽນມໍ 6 ປີ 2013” ໂດຍກຸ່ມບໍລິສັດໄຟຟ້າ ຫວຽດນາມ (ຫຼື EVN) ສົບທົບກັບກະຊວງສຶກສາ ແລະ ບຳລຸງສ້າງ ຫວຽດນາມ ຈັດຕັ້ງເມື່ອວັນທີ 8/4 ຢູ່ນິນທ້ວນ, ໄດ້ດຶງດູດບັນດາຄູອາຈານ ແລະ ນັກຮຽນ ຂອງໂຮງຮຽນມັດທະຍົມຕອນປາຍ 8 ແຫ່ງໃນແຂວງນິນທ້ວນ ເຂົ້າຮ່ວມ. ກອງປະຊຸມສຳມະນາ ໄດ້ແນະນຳຫຼາຍຄວາມຮູ້ພື້ນຖານ ກ່ຽວກັບພະລັງງານປະລະມານູ, ການນຳໃຊ້ຂອງນິວເຄຼຍໃນຊີວິດດ້ານເສດຖະກິດ - ສັງຄົມ, ໂຄງການໄຟຟ້າ ນິວເຄຼຍ ນິວທ້ວນ, ຄວາມຕ້ອງການດ້ານຊັບພະຍາກອນ ໃຫ້ແກ່ໂຄງການໄຟຟ້າ ນິວເຄຼຍ ນິນທ້ວນ. ຄະນະຈັດຕັ້ງກອງປະຊຸມສຳມະນາ ກໍ່ໄດ້ເຕື້ອງເຖິງບັນດານະໂຍບາຍບຸລິມະສິດ, ໜູນຊ່ວຍຜູ້ຮຽນໃນຂົງເຂດພະລັງງານປະລະມານູ, ແນະນຳໂຄງການບຳລຸງສ້າງສະເພາະຂະແໜງ ໄຟຟ້າ ນິວເຄຼຍຢູ່ພາຍໃນ ແລະ ຕ່າງປະເທດ.... ທ່ານ ຕະດຶກທິ້ງ, ຫົວໜ້າກົມວິທະຍາສາດເຕັກໂນໂລຢີ ແລະ ສິ່ງແວດລ້ອມ (ຂຶ້ນກັບກະຊວງສຶກສາ ແລະ ບຳລຸງສ້າງ ຫວຽດນາມ) ໃຫ້ຮູ້ວ່າ: ລັດຖະບານ ຫວຽດນາມ ຈະມີນະໂຍບາຍບຸລິມະສິດ, ໜູນຊ່ວຍຜູ້ຮຽນໃນຂົງເຂດພະລັງງານປະລະມານູ ເພື່ອດຶງດູດ, ເລືອກເຟັ້ນຜູ້ຮຽນເກັ່ງເຂົ້າຮຳ່ຮຽນ, ຄົ້ນຄ້ວາ ບັນດາຂະແໜງໃນຂົງເຂດພະລັງງານປະລະມານູ, ປະກອບສ່ວນບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເພື່ອກໍ່ສ້າງ, ຂຸດຄົ້ນ, ນຳໃຊ້ໂຮງງານໄຟຟ້ານິວເຄຼຍ, ຄຸ້ມຄອງ, ຮັບປະກັນຄວາມປອດໄພ, ຄວາມໝັ້ນຄົງດ້ານພະລັງງານປະລະມານູ.