ນາຍົກໆລາວ ຕ້ອນຮັບ ຄະນະຜູ້ແທນກະຊວງ ການເງິນຫວຽດນາມ
ທ່ານນາຍົກລັດຖະມົນຕີລາວ
ຄະນະຜູ້ແທນຂັ້ນສູງກະຊວງການເງິນຫວຽດນາມ
( ພາບ:vietnamplus.vn )
( vovworld ) – ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວແຕ່ວັນທີ 23-26/6, ຕອນເຊົ້າວັນທີ 25/6, ທີ່ວຽງຈັນ, ຄະນະຜູ້ແທນຂັ້ນສູງກະຊວງການເງິນຫວຽດນາມ ໂດຍທ່ານລັດຖະມົນຕີກະຊວງການເງິນ Vuong Dinh Hue ນຳໜ້າ ໄດ້ຮັບການຕ້ອນຮັບຈາກທ່ານນາຍົກລັດຖະມົນຕີລາວ ທອງສິງ ທຳມະວົງ. ທ່ານລັດຖະມົນຕີກະຊວງການເງິນ Vuong Dinh Hue ໄດ້ລາຍງານໝາກຜົນການພົບປະເຈລະຈາລະຫວ່າງຄະນະຜູ້ແທນກະຊວງການເງິນຫວຽດນາມ ກັບຄະນະຜູ້ແທນກະຊວງການເງິນລາວ, ຢັ້ງຢືນຄວາມຕັດສິນໃຈຂອງສອງຝ່າຍ ໃນການເພີ່ມທະວີການຮ່ວມມືຢ່າງຮອບດ້ານ, ໃນນັ້ນ ສຸມໃສ່ການສ້າງກົດໝາຍ, ຍຸດທະສາດຂອງຂະແໜງ ແລະ ບຳລຸງສ້າງແຫຼ່ງຊັບພະຍາກອນມະນຸດ. ທ່ານນາຍົກລັດຖະມົນ ຕີລາວ ທອງສິງ ທຳມະວົງ ໄດ້ຕີລາຄາສູງຕໍ່ເນື້ອໃນການເຮັດວຽກຂອງຄະນະ ໃນການຢ້ຽມຢາມລາວ ແມ່ນແທດຈິງທີ່ສຸດສຳລັບພື້ນຖານເສດຖະກິດຂອງລາວ, ໂດຍສະເພາະແມ່ນຍຸດທະສາດດ້ານການເງິນ ແລະ ທ່ານປາດຖະໜາວ່າ ສອງກະຊວງຈະເພີ່ມທະວີການຮ່ວມມືແລກປ່ຽນດ້ານວິຊາການ ແລະ ວຽກງານສະເພາະຂອງຂະແໜງ.