ທ່ານປະທານປະເທດ ເຈີ່ນດ້າຍກວາງ ທີ່ພິທີສະເຫຼີມສະຫຼອງ
|
(vovworld) - ຕອນຄ່ຳວັນທີ 27/2, ຢູ່ຮ່າໂນ້ຍ, ໄດ້ດຳເນີນພິທີສະເຫຼີມສະຫຼອງ 62 ປີແຫ່ງວັນແພດໝໍ ຫວຽດນາມ ດ້ວຍຫົວຂໍ້ວ່າ “ສາທາລະນະສຸກ ຫວຽດນາມ ປ່ຽນແປງໃໝ່ມຸ່ງໄປເຖິງຄວາມເພິ່ງພໍໃຈຂອງຄົນເຈັບ”. ກ່່າວຄຳເຫັນທີ່ພິທີສະເຫຼີມສະຫຼອງ, ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ: ພັກ, ລັດ ຍາມໃດກໍ່ເອົາໃຈໃສ່ຊີ້ນຳ, ນຳພາວຽກງານປົກປ້ອງ, ສົ່ງເສີມ, ຍົກສູງສຸຂະພາບຂອງປະຊາຊົນ, ຖືນີ້ແມ່ນໜຶ່ງໃນບັນດາໜ້າທີ່ສຳຄັນແຖວໜ້າ, ສະແດງໃຫ້ເຫັນເນື້ອແທ້ອັນດີງາມຂອງລະບອບ ຫວຽດນາມ ໃນພາລະກິດກໍ່ສ້າງ ແລະ ພັດທະນາປະເທດຊາດ. ທ່ານປະທານປະເທດ ຮຽກຮ້ອງໃຫ້ຂະແໜງການແພດ ຍູ້ແຮງການຄົ້ນຄ້ວາວິທະຍາສາດ, ສຳພັດ, ນຳໃຊ້ບັນດາຜົນງານດ້ານວິທະຍາສາດ - ເຕັກໂນໂລຢີທີ່ທັນສະໄໝ, ພິເສດແມ່ນເຕັກໂນໂລຢີຊີວະສາດ, ສູ້ຊົນນຳພື້ນຖານສາທາລະນະສຸກ ຫວຽດນາມ ບັນລຸຄວາມຄືບໜ້າໃນພາກພື້ນ ແລະ ຢູ່ໃນໂລກ. ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ:
“ທ່ານໝໍ, ພະນັກງານ, ລັດຖະກອນຂະແໜງສາທາລະນະສຸກແຕ່ລະຄົນຕ້ອງປະຕິບັດຄຳສັ່ງສອນຂອງປະທານ ໂຮ່ຈີມິນ ທີ່ວ່າ “ທ່ານໝໍເກັ່ງແຕ່ກໍ່ຕ້ອງເປັນຜູ້ມີຈັນຍາບັນ”, ເສີມຂະຫຍາຍມູນເຊື້ອອັນສະຫງ່າລາສີຂອງຂະແໜງການແພດ, ມານະພະຍາຍາມຮ່ຳຮຽນ, ຄົ້ນຄ້ວາ, ກຳແໜ້ນຄວາມຮູ້ໃໝ່, ທັນສະໄໝຂອງການແພດໂລກ ແລະ ສິ່ງທີ່ຍອດຍິ່ງຂອງການແພດພື້ນເມືອງ. ພະນັກງານຂະແໜງສາທາລະນະສຸກ ຕ້ອງຍົກສູງລະດັບດ້ານທິດສະດີ, ເຕັກນິກ, ຈັນຍາບັນ, ຈັນຍາທຳ, ຄວາມຮັບຜິດຊອບ ແລະ ຄວາມສຸດຈິດສຸດໃຈເພື່ອຄົນເຈັບ, ບໍ່ພຽງແຕ່ຊ່ວຍໃຫ້ປະຊາຊົນຜ່ານຜ່າພະຍາດບາດເຍົາ, ຮັກສາ, ຍົກສູງສຸຂະພາບເທົ່ານັ້ນ, ຫາກຍັງນຳມາໃຫ້ເຂົາເຈົ້ານ້ຳໃຈອົບອຸ່ນ, ດີງາມກ່ຽວກັບນ້ຳໃຈມະນຸດອີກດ້ວຍ.”