ທ່ານ​ປະທານປະເທດ ຫວຽດນາມ ​ເຈືອງ​ເຕີ້​ນຊາງ ​ໄດ້​ໃຫ້ການ​ຕ້ອນຮັບ​ທ່ານ Mikhail Ephimivitch Shvydkoi , ທູດ​ພິ​ເສດ​ຂອງ​ປະທານາທິບໍດີ​ລັດ​ເຊຍ (ພາບ: TTXVN)

(Vovworld)- ຕອນ​ບ່າຍ ວັນ​ທີ 25/10, ຢູ່​ຮ່າ​ໂນ້ຍ, ທ່ານ​ປະທານປະເທດ ຫວຽດນາມ ​ເຈືອງ​ເຕີ້​ນຊາງ ​ໄດ້​ໃຫ້ການ​ຕ້ອນຮັບ​ທ່ານ Mikhail Ephimivitch Shvydkoi , ທູດ​ພິ​ເສດ​ຂອງ​ປະທານາທິບໍດີ​ລັດ​ເຊຍ, ຜູ້​ຮັບຜິດຊອບ​ການ​ຮ່ວມ​ມື​ສາກົນ​ໃນ​ຂົງ​ເຂດ​ວັດທະນະທຳ ຊຶ່ງ​ພວມ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່​ຫວຽດນາມ. ທີ່​ການ​ຕ້ອນຮັບ, ທ່ານ​ປະທານປະເທດ ຫວຽດນາມ ​ເຈືອງ​ເຕີ້​ນຊາງ ຢືນຢັນວ່າ ຄວາມໄວ້ເນື້ອເຊື່ອໃຈຢ່າງສູງກ່ຽວກັບດ້ານການເມືອງ ແມ່ນ ເງື່ອນໄຂສະດວກເພື່ອຊຸູກຍູ້ການຮ່ວມມື ໃນທຸກຂົງເຂດ, ໃນນັ້ນມີການຮ່ວມມື ທາງດ້ານວັດທະນະທຳ. ຕາມ ທ່ານ​ປະທານປະເທດ ຫວຽດນາມ ​ເຈືອງ​ເຕີ້​ນຊາງ ​ແລ້ວ, 2 ຝ່າຍ​ຄວນ​ຍູ້​ໄວ​ການ​ຮ່ວ​ມມື​ໃນ​ທຸກ​ຂົງ​ເຂດ​ທີ່​ໄດ້​ກຳນົດ​ໂດຍ​ຜ່ານ​ຂໍ້​ຕົງ​ລົງ​ລະຫວ່າງການ​ນຳ​ຂັ້ນ​ສູງ, ພ້ອມ​ກັນ​ນັ້ນ, ກໍ​ສືບ​ຕໍ່ນຳ​ສະ​ເໜີບັນດາ​ບັນດາ​ວິທີ​ການ​ຮ່ວມ​ມື​ໃໝ່.

    ສ່ວນ​ທ່ານ Mikhail Ephimivitch Shvydkoi , ທູດ​ພິ​ເສດ​ຂອງ​ປະທານາທິບໍດີ​ລັດ​ເຊຍ ຖື​ວ່າ ນີ້​ແມ່ນ​ຈຸດ​ເວລາ​ສະດວກ​ທີ່​ສຸດ​ເພື່ອ​ຊຸກຍູ້​ການ​ຜັນ​ຂະຫຍາຍ​ບັນດາ​ເນື້ອ​​ໃນ​ຂອງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ລະຫວ່າງຫວຽດນາມ-ສະຫະພັນ​ລັດ​ເຊຍ, ພິ​ເສດ​ແມ່ນ​ການ​ຮ່ວມ​ມື​ໃນ​ຂົງ​ເຂດ​ວັດທະນະທຳ, ວັດທະນະທຳ​ມະນຸດ.