(vovworld) – ພິທີຕ້ອນຮັບໃບຢັ້ງຢືນມໍລະດົກໂລກ “ການເຫຼື້ອມໃສບູຊາເຈົ້າຊີວິດ ຮູ່ງ” ຈະຖືກຈັດຂຶ້ນກົງກັບໂອກາດໄຂງານບຸນວິຫານ ຮູ່ງ, ໃນວັນທີ 4/3 ໄລ່ຕາມຈັນທະປະຕິທິນ. ທ່ານ ຮ່າເກະຊານ, ຮອງປະທານຄະນະກຳມະການປະຊາຊົນແຂວງ ຟູ໋ທໍ້ ໃຫ້ຮູ້ວ່າ: ລາຍການລວມມີ 2 ຂັ້ນຕອນ, ຂັ້ນຕອນຈັດພິທີ ແລະ ຂັ້ນຕອນສະແດງສິລະປະ. ຂັ້ນຕອນພິທີ ຈະຈັດຕັ້ງການຕ້ອນຮັບໃບຢັ້ງຢືນມໍລະດົກໂລກ “ການເຫຼື້ອມໃສບູຊາເຈົ້າຊີວິດ ຮູ່ງ” , ສ່ວນຂັ້ນຕອນສະແດງສິລະປະມີຫົວຂໍ້ວ່າ ບັນພະບຸລຸດເຈົ້າຊີວິດຮຸ່ງ - ຄວາມສັກສິດ. ທ່ານ ຮ່າເກະຊານ ໃຫ້ຮູ້ວ່າ:
“ເຖິງວ່າປີນີ້ແມ່ນປີຄີກກໍ່ຕາມແຕ່ຄາດຄະເນວ່າພໍ່ແມ່ປະຊາຊົນໃນທົ່ວປະເທດ, ກໍ່ຄືແຂກທ່ອງທ່ຽວ, ຊາວ ຫວຽດນາມ ອາໄສຢູ່ຕ່າງປະເທດ ຈະກັບເມືອ ວິຫານຮູ່ງເປັນຈຳນວນຫຼວງຫຼາຍ ດັ່ງນັ້ນ ວຽກງານກະກຽມໄດ້ຮັບການຍູ້ແຮງ. ກ່ຽວກັບລາຍການຕ້ອນຮັບໃບຢັ້ງຢືນ, ພວກຂ້າພະເຈົ້າ ໄດ້ດຳເນີນການສ້າງຮ່າງລາຍການແລ້ວ, ຫຼັງຈາກນັ້ນຈະກະກຽມໃຫ້ພິທີຕ້ອນຮັບ. ໃນລາຍການນີ້ ຈະມີຫຼາຍຄົນເຂົ້າຮ່ວມ. ບັນດາຮາກຖານດ້ານວັດຖຸເພື່ອຮັບໃຊ້ໃຫ້ແກ່ລາຍການພວມໄດ້ຮັບການ ຍູ້ແຮງວຽງານບູລະນະປະຕິສັງຂອນ, ເພື່ອກຽມພ້ອມໃຫ້ພິທີເຊີດຊູ ກໍ່ຄືພິທີໄວ້ບູຊາເຈົ້າຊີວິດຮູ່ງ - ງານບຸນວິຫານຮູ່ງ 2013”
ວັນທີ 6/12/2012, ທີ່ຜ່ານມາອົງການສຶກສາ, ວິທະຍາສາດ ແລະ ວັດທະນະທຳຂອງສະຫະປະຊາຊາດ (ຫຼື UNESCO) ໄດ້ຮັບຮອງການເຫຼື້ອມໃສບູຊາເຈົ້າຊີວິດ ຮູ່ງ ແມ່ນມໍລະດົກວັດທະນະທຳບໍ່ມີຮູບຮ່າງເປັນຕົວແທນໃຫ້ມວນມະນຸດ. ເລື່ອງ UNESCO ຮັບຮອງ ການເຫຼື້ອມໃສບູຊາເຈົ້າຊີວິດ ຮູ່ງ ຢູ່ ຟູ໋ທໍ້ ໄດ້ສະແດງໃຫ້ເຫັນພະລັງຊີວິດດ້ານວັດທະນະທຳ ຫວຽດນາມ, ຕິດພັນກັບກະແສວັດທະນະທທີ່ຳເຊື່ອມໂຍງເຂົ້າກັບໂລກ.