(vovworld) – ເພື່ອແນໃສ່ສ້າງເງື່ອນໄຂສະດວກໃຫ້ແກ່ການເຄື່ອນໄຫວໜູນຊ່ວຍປະຊາຊົນຢູ່ບັນດາທ້ອງຖີ່ນທາງທິດຕາເວັນອອກ ຢູແກຼນ, ລັດເຊຍ ສະເໜີສະພາຄວາມໝັ້ນຄົງ ສປຊ ຮັບຮອງເອົາຖະແຫຼງການຮຽກຮ້ອງຢຸດຍິງໃນໄລຍະເວລາຂົນສົ່ງສິນຄ້າໜູນຊ່ວຍໃຫ້ພາກຕາເວັນອອກສ່ຽງໃຕ້ ຢູແກຼນ. ຖະແຫຼງການໃນວັນທີ 21/8 ຂອງກະຊວງການຕ່າງປະເທດ ລັດເຊຍ ຊີ້ແຈ້ງວ່າ: ມົດສກູ ຊົມເຊີຍຂໍ້ຕົກລົງລວມລະຫວ່າງບັນດາຝ່າຍກ່ຽວຂ້ອງກ່ຽວກັບການຂົນສົ່ງສິນຄ້າໜູນຊ່ວຍເຖິງ ພາກຕາເວັນອອກສ່ຽງໃຕ້ ຢູແກຼນ ຕາມເສັ້ນທາງ Izvarino – Lugansk ຢ່າງຮີບດ່ວນ. ຂໍ້ຕົກລົງນີ້ບັນລຸໄດ້ພາຍຫຼັງຄວາມມານະພະຍາຍາມຫຼາຍຢ່າງ ເຊິ່ງລວມມີ: ການຈັດຕັ້ງຂົນສົ່ງສິນຄ້າຄື ທັນຍາຫານ, ຢຸກຢາ ແລະ ບັນດາວັດຖຸອຸປະກອນທີ່ຈຳເປັນກໍ່ຄືບັນດາການພົບປະຢ່າງຕັ້ງໜ້າຄັ້ງຕ່າງໆກັບຝ່າຍ ຢູແກຼນ, ຄະນະກຳມະການກາແດງສາກົນ ແລະ ບັນດາຄູ່ຮ່ວມມືຕ່າງປະເທດອື່ນໆອີກ.