ຫວຽດນາມແລະກຳປູເຈຍເຫັນດີເປັນເອກະສັນຮ່ວມມືຢ່າງແໜ້ນແຟ້ນຕ້ານທຳລາຍບັນດາອິດທິກຳລັງທີ່ເປັນປໍລະປັກ
ທ່ານພົນເອກ ເຈີ່ນດ້າຍກວາງ ແລະ ນາຍົກລັດຖະມົນຕີ ກຳປູເຈຍ Hunsen
|
(vovworld) – ໂດຍໄດ້ຮັບຄຳເຊີນຂອງທ່ານຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນລາຊະອານາຈັກ ກຳປູເຈຍ Sar Kheng, ວັນທີ 16/1, ຄະນະຜູ້ແທນຂັ້ນສູງກະຊວງຕຳຫຼວດ ຫວຽດນາມ ໂດຍທ່ານພົນເອກ ເຈີ່ນດ້າຍກວາງ, ລັດຖະມົນຕີວ່າການກະຊວງຕຳຫຼວດ ນຳໜ້າໄດ້ເຂົ້າຮ່ວມການເຈລະຈາກັບກະຊວງພາຍໃນ ກຳປູເຈຍ, ໂດຍທ່ານລັດຖະມົນຕີວ່າການ Sar Kheng ນຳໜ້າ. 2 ຝ່າຍເຫັນດີເປັນເອກະສັນບັນດາມາດຕະການເພີ່ມທະວີຢ່າງແໜ້ນແຟ້ນ ໃນການຕໍ່ສູ້ປ້ອງກັນ, ຕ້ານກົນອຸບາຍ ແລະ ການເຄື່ອນໄຫວຂອງບັນດາອິດທິກຳລັງທີ່ເປັນປໍລະປັກເພື່ອແນໃສ່ມ້າງທຳລາຍຄວາມສາມັກຄີ, ມິດຕະພາບທີ່ເປັນມູນເຊື້ອລະຫວ່າງ 2 ຊາດ, ສົ່ງຜົນຮ້າຍເຖິງຄວາມສະຫງົບແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຂອງແຕ່ລະປະເທດ. 2 ຝ່າຍເຫັນດີເປັນເອກະສັນສືບຕໍ່ຜັນຂະຫຍາຍຢ່າງມີປະສິດທິຜົນວຽກງານສົມທົບກັນຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍເຂດຊາຍແດນ 2 ປະເທດ ແລະ ເຂດສາມຫຼ່ຽມພັດທະນາ, ປະກອບສ່ວນກໍ່ສ້າງຊາຍແດນມິດຕະພາບ, ສັນຕິພາບລະຫວ່າງ 2 ປະເທດ ຫວຽດນາມ ແລະ ກຳປູເຈຍ. ເມື່ອສິ້ນສຸດການເຈລະຈາທ່ານ ທ່ານລັດຖະມົນຕີວ່າການ ເຈີ່ນດ້າຍກວາງ ແລະ ທ່ານລັດຖະມົນຕີວ່າການ Sar Kheng ໄດ້ເຊັນແຜນການຮ່ວມມືລະຫວ່າງ 2 ກະຊວງປີ 2015.