ຫວຽດນາມ ແລະ ລາວ ເພີ່ມທະວີການຮ່ວມມືໃນຫຼາຍຂົງເຂດ
ນັກຂ່າວ VOV ປະຈຳລາວ -
ພາບ (ອິນເຕີແນັດ)
( vovworld ) – ຄະນະນຳຂອງກະຊວງຍຸດຕິທຳຫວຽດນາມ ໂດຍທ່ານລັດຖະມົນຕີ ຮ່າຮູ່ງເກື່ອງ ເປັນຫົວໜ້າຄະນະພວມຢູ່ຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 6-11/3, ຕອນເຊົ້າວັນທີ 7/3, ຢູ່ນະຄອນຫຼວງວຽງຈັນ, ຄະນະໄດ້ມີການພົບປະເຈລະຈາກັບຄະນະຜູ້ແທນກະຊວງຍຸດຕິທຳລາວ ໂດຍທ່ານລັດຖະມົນຕີ ຈະເລີນ ເຢຍປາວເຮີ ນຳໜ້າ ເພື່ອແນໃສ່ແລກປ່ຽນກ່ຽວກັບບັນດາບັນຫາທີ່ຕ່າງຝ່າຍຕ່າງກໍມີຄວາມສົນໃຈ. ພາຍຫຼັງການພົບປະເຈລະຈາ, ສອງຝ່າຍໄດ້ເປັນສັກຂີພິຍານ ພິທີລົງນາມບົດບັນທຶກຊ່ວຍຈຳກ່ຽວກັບການຮ່ວມມືໜູນຊ່ວຍບຳລຸງສ້າງ ແລະ ຄົ້ນຄ້ວາວິທະຍາສາດລະຫວ່າງມະຫາວິທະຍາໄລກົດໝາຍຫວຽດນາມ ແລະ ມະຫາວິທະຍາໄລກົດໝາຍລາວ.
ໃນວັນດຽວກັນ, ຢູ່ນະຄອນດົ່ງເຮີຍ, ອົງການໄອຍະການປະຊາຊົນແຂວງ ກວາງບິງ ຂອງ ຫວຽດນາມ ແລະ ງການໄອຍະການປະຊາຊົນແຂວງ ຄຳມ່ວນ ຂອງ ລາວ ໄດ້ພົບປະເຈລະຈາ ແລະ ລົງນາມບົດບັນທຶກຊ່ວຍຈຳດ້ວຍຈຸດປະສົງເພີ່ມທະວີການພົວພັນຮ່ວມມືລະຫວ່າງອົງການໄອຍະການປະຊາຊົນສອງແຂວງ. ສອງຝ່າຍເຫັນດີເປັນເອກະສັນຈະປະຕິບັດເນື້ອໃນຂໍ້ຕົກລົງລະຫວ່າງອົງການໄອຍະການປະຊາຊົນສູງສຸດປະເທດ ສສ ຫວຽດນາມ ແລະ ອົງການໄອຍະການປະຊາຊົນສູງສຸດປະເທດ ສປປ ລາວ ດ້ວຍເນື້ອໃນຢ່າງມີປະສິດທິຜົນ; ເພີ່ມທະວີການແລກປ່ຽນບັນດາຄະນະຜູ້ແທນຂອງອົງການໄອຍະການປະຊາຊົນສອງທ້ອງຖິ່ນ, ເພີ່ມທະວີການໂຄສະນາ, ສຶກສາດ້ານກົດໝາຍໃຫ້ປະຊາຊົນເຂດຊາຍແດນສອງປະເທດ….
ນັກຂ່າວ VOV ປະຈຳລາວ