( vovworld ) – ພາຍຫລັງດຳເນີນການແຂ່ງຂັນຢ່າງຟົດຟື້ນມາເປັນເວລາ 4 ວັນ, ຕອນຄ່ຳວັນທີ 15/6, ງານມະໂຫລານກະຈາຍສຽງທົ່ວປະເທດຄັ້ງທີ 10 ໄດ້ອັດລົງຢູ່ຫໍວັດທະນະທຳມິດຕະພາບຮ່າໂນ້ຍ. 124 ບົດປະພັນໄດ້ຮັບການເຊີດຊູແມ່ນໝາກຜົນທີເຕັ່ມໄປດ້ວຍກຳລັງເຫື່ອແຮງ, ພູມປັນຍາ, ສຸດຈິດສຸດໃຈຂອງຖັນແຖວຜູ້ເຮັດວຽກງານກະຈາຍສຽງຫວຽດນາມ. ກ່າວຄຳເຫັນທີ່ພິທີອັດ, ທ່ານຮອງນາຍົກລັດຖະມົນຕີ Nguyen Thien Nhan ໄດ້ອວຍພອນຜົນງານຂອງງານມະໂຫລານກະຈາຍສຽງທົ່ວປະເທດຄັ້ງທີ 10 ແລະ ສະເໜີວ່າ:
“ບັນດານັກຂ່າວກະຈາຍສຽງ ຄວນສືບຕໍ່ຍ້ອງຍໍສັນລະເສີນ ແລະ ເປີກດ້ວາງບັນດາແບບຢ່າງດີເດັ່ນ, ບັນດາປັດໄຈໃໝ່, ຮູບແບບດີ ພ້ອມທັງຕັ້ງໜ້າຕໍ່ສູ້ ກໍຄືສ້າງຫາງສຽງສັງຄົມເພື່ອຕ້ານໄພຫຍໍ້ທໍ້, ອາດຍາສິດ, ສໍ້ລາດບັງຫຼວງ, ຟູມເຟືອຍ ແລະ ໄພສັງຄົມ, ປະກອບສ່ວນສ້າງສັງຄົມນັບມື້ນັບປອດໃສ, ຕໍ່ສູ້ຕ້ານກົນອຸບາຍ, ເລ້ລ່ຽມ ແລະ ຖ້ອຍທຳນອງຜິດເຂວຂອງບັນດາອິດທິກຳລັງທີ່ເປັນປໍລະປັກ“
ບັນດານັກຂ່າວໄດ້ຮັບລາງວັນ
(ພາບ:tinnhanhviet.com)
ທີ່ພິທີອັດ, ຄະນະຈັດຕັ້ງໄດ້ມອບ 16 ລາງວັນຄຳ, 30 ລາງວັນເງິນ ແລະ 70 ລາງວັນທອງໃຫ້ບັນດາບົດສາລະຄະດີ, ບົດສຳພາດ, ເລື່ອງລາວອອກອາກາດທາງວິທະຍຸ, ລາຍການສັງລວມ ແລະ ລາຍການຈະຈາຍສຽງສົດ. ທ່ານ Vu Hai ຮອງຜູ້ອຳນວຍການໃຫ່ຍວິທະຍຸກະຈາຍສຽງຫວຽດນາມ, ຫົວໜ້າຄະນະຈັດຕັ້ງງານມະໂຫລານກະຈາຍສຽງທົ່ວປະເທດຄັ້ງທີ 10 ຢືນຢັນວ່າ:
“ຜົນສຳເລັດໃຫ່ຍກ່ວາໝູ່ຂອງງານມະໂຫລານກະຈາຍສຽງທົ່ວປະເທດຄັ້ງທີ 10 ນັ້ນແມ່ນ ຜ່ານບັນດາບົດປະພັນ, ລາຍການເຂົ້າຮ່ວມການເສັງ, ພວກເຮົາສາມາດເຫັນໄດ້ຄວາມສຸດຈິດສຸດໃຈ, ນ້ຳໃຈຮັກອາຊີບ, ຄວາມສະດຸງໄວ້, ມີສະຕິທຸ່ນທ່າຽງເພື່ອແກ້ໄຂບັນດາບັນຫາໃນຊີວິດປະຈຳວັນ. ນັ້ນແມ່ນຄຸນນະທາດດ້ານການເມືອງຂອງບັນດາຜູ້ເຮັດວຽກງານກະຈາຍສຽງປະຈຸບັນນີ້“.