ອົດສະຕາລີຫັນມາຊອກຫາເຮືອບິນMH370ຢູ່ເຂດທາງທິດໃຕ້
ພາບປະກອບ
(vovworld) – ວັນທີ 8/10, ບັນດານັກສືບສວນຮັບຮູ້ວ່າ: ເຂດບຸລິມະສິດຊອກຫາເຮືອບິນຫາຍສາບສູນ MH 370 ຂອງບໍລິສັດການບິນ ມາເລເຊຍ ແອລາຍ ໄດ້ຫັນການຊອກຫາສູ່ເຂດທາງທິດໃຕ້ ຍ້ອນບັນດາການໄຈ້ແຍກກ່ຽວກັບສາຍການບິນສະແດງໃຫ້ເຫັນວ່າ ເຮືອບິນລຳດັ່ງກ່າວອາດຈະຖືກ ມ້ວນໄປຕາມກະແສນ້ຳມະຫາສະໝຸດ ອິນເດຍ. 7 ເດືອນພາຍຫຼັງເຮືອບິນຖືກຫາຍສາບສູນພ້ອມກັບຜູ້ໂດຍສານ ແລະ ຈຸບິນ 239 ຄົນນັ້ນ, ກົມຄວາມປອດໄພທາງຄົມມະນາຄົມ ອົດສະຕາລີ, ອົງການນຳໜ້າໃນການຊອກຫາເຮືອບິນ, ໃຫ້ຮູ້ວ່າ: ບັນດາການໄຈ້ແຍກຫຼ້າສຸດໃຫ້ເຫັນວ່າ: ຄວນປັບປຸງເຂດບຸລິມະສິດໄປທາງທິດໃຕ້ ໃນໄລຍະຕໍ່ໄປຂອງການເຄື່ອນໄຫວຊອກຫາແຕ່ທິດນີ້. ກ່ອນໜ້ານັ້ນ, ອົດສະຕາລີ ກຳນົດເຂດ ບຸລິມະສິດ ຊອກຫາ ຫ່າງຈາກນະຄອນ Perth ຂອງ ອົດສະຕາລີ ກ່ວາ 2.000 ກມໄປທາງທິດໃຕ້.