(vovworld) - ວັນທີ 29, ກັນຍາ, ກອງທັບ ແລະ ຕຳຫຼວດອີນໂດເນເຊຍ ເລີ່ມຜັນຂະຫຍາຍກຳລັງ ແລະ ເຄື່ອງອຸປະກອນ ເພື່ອຮັບປະກັນຄວາມປອດໄພໃຫ້ແກ່ກອງປະຊຸມສຸດຍອດເວທີປາໄສຮ່ວມມືເສດຖະກິດອາຊີ - ປາຊີຝີກ (APEC) ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງດຳເນີນໄປຢູ່ເກາະທ່ອງທ່ຽວ ບາລີ ຂອງປະເທດນີ້ໃນຕົ້ນອາທິດໜ້າ.
ຜູ້ນຳໜ້າອົງການຕຳຫຼວດບາລີ, ນາຍພົນ Alberus Julius Benny Mokalu ຢັ້ງຢືນວ່າ ອີນໂດເນເຊຍ ໄດ້ຜັນຂະຫຍາຍກໍ່າປັ່ນສູ້ຮົບ, ເຮືອບິນສູ້ຮົບ, ນາຍທະຫານ, ຕຳຫຼວດ.. ເພື່ອຮັບປະກັນໃຫ້ແກ່ກອງປະຊຸມສຸດຍອດ APEC ແລະ ບັນດາກອງປະຊຸມທີ່ກ່ຽວຂ້ອງ ເຊິ່ງຈະດຳເນີນໄປໃນລະຫວ່າງວັນທີ 01 – 08 ຕຸລາ. ນາຍພົນ Mokalu ເນັ້ນໜັກວ່າ ທຸກກຳລັງຕຳຫຼວດບາລີ ໄດ້ກຽມພ້ອມສູ້ຮົບຕະຫຼອດວັນ ແອລະ ຄືນຢູ່ບັນດາສະຖານທີ່ຍຸດທະສາດຄືທ່າກໍ່າປັ່ນ, ເສັ້ນທາງຄວາມໄວສູງ ຫຼື ບໍລິເວັນຕ່າງໆ ຕິດກັບແຂວງອື່ນ.