(vovworld) - ຕອນເຊົ້າວັນທີ 24/11, ຢູ່ຕາແສງ ຈູງເຊີນ, ເມືອງ ກວານຮ໋ວາ, ແຂວງແທງຮ໋ວາ, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູນຫາຍ ໄດ້ອອກຄຳສັ່ງເປີດໂຄງການກໍ່ສ້າງເຂື່ອນໄຟຟ້ານ້ຳຕົກ ຈູງເຊີນ (ດ້ວຍກຳລັງການຜະລິດໄຟຟ້າ 260 MW). ນີ້ແມ່ນໂຄງການເຂື່ອນໄຟຟ້ານ້ຳຕົກທຳອິດຢູ່ຫວຽດນາມ ໂດຍທະນາຄານໂລກ (WB) ອຸປະຖຳ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຮ່ວາງຈູນຫາຍ ຢືນຢັນວ່າ: ນີ້ແມ່ນໂຄງການທີ່ມີຄວາມໝາຍສຳຄັນພິເສດ, ນອກຈາກສະໜອງໄຟຟ້າ, ໂຄງການຍັງມີໜ້າທີ່ຕ້ານນ້ຳຖ້ວມ, ໄພແຫ້ງແລ້ງອີກດ້ອຍ. ເຂື່ອນໄຟຟ້ານ້ຳຕົກ ຈູງເຊີນ ຈະນຳມາເຊິ່ງຜົນປະໂຫຍດກ່ຽວກັບສິ່ງແວດລ້ອມ, ສ້າງເງື່ອນໄຂດຳລົງຊີວິດ ແລະ ສະພາບແວດລ້ອມທີ່ດີໃຫ້ແກ່ພໍ່ແມ່ປະຊາຊົນໃນເຂດ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ຮຽກຮ້ອງໃຫ້ເຈົ້າຂອງລົງທຶນ, ຫົວໜ່ວຍຮັບຜິດຊອບ, ທາບທາມ ແລະ ຕິດຕາມກວດກາສຸມໃສ່ລະບົບແຫຼ່ງຊັບພະຍາກອນມະນຸດ ແລະ ວັດຖຸອຸປະກອນ, ກວດກາລະດັບຄວາມຄືບໜ້າໃຫ້ຖືກຕາມແຜນການ, ຄຸນນະພາບຂອງໂຄງການ ແລະ ນຳໂຄງການເຂົ້າເຄື່ອນໄຫວໃຫ້ຖືກຕາມຈຸດເວລາທີ່ໄດ້ວາງອອກ. ພ້ອມທັງສົມທົບກັບທ້ອງຖິ່ນຕ່າງໆໃນເຂດມີໂຄງການສ້າງເຂດຕັ້ງຖິ່ນຖານຄົງທີ່ຄືນໃໝ່, ເອົາໃຈໃສ່ເຖິງພື້ນຖານໂຄງລ່າງ, ຮັບປະກັນເນື້ອທີ່ດິນທຳການຜະລິດໃຫ້ປະຊາຊົນຢູ່ເຂດຕັ້ງຖິ່ນຖານຄົງທີ່ຄືນໃໝ່.