(ພາບ:infonet.vn)
( vovworld ) – ຕອນເຊົ້າວັນທີ 30/8, ໜັງສືພິມເຍີນເຢີນ ສຽງຂອງພັກກອມມູນິດຫວຽດນາມ ໄດ້ຈັດພິທີສະເໜີເວັບໄຊເປັນພາສາຈີນຢ່າງເປັນທາງການ. ເຂົ້າຮ່ວມພິທີມີທ່ານ Dinh The Huynh ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ທ່ານ Huynh Ngoc Son ຮອງປະທານສະພາແຫ່ງຊາດຫວຽດນາມ ແລະ ຜູ້ຕາງໜ້າອຸປະທູດຊົ່ວຄາວສະຖານທູດຈີນ ປະຈຳຫວຽດນາມ. ກ່າວຄຳເຫັນທີ່ພິທີ, ທ່ານ Dinh The Huynh ຢືນຢັນວ່າ: ເລື່ອງໜັງສືພິມເຍີນເຢີນ ສ້າງເວັບໄຊເປັນພາສາຈີນ ເພື່ອແນໃສ່ຫັນການປະຕິບັດຍຸດທະສາດຖະແຫຼງຂ່າວພົວພັນກັບຕ່າງປະເທດໃນສະພາບການໃໝ່ເປັນລະອຽດ, ປະກອບສ່ວນໂຄສະນາ, ແນະນຳປະຫວັດສາດ, ວັດທະນະທຳ, ພາບພົດປະເທດຊາດ ແລະ ຊາວຫວຽດນາມ, ປະກອບສ່ວນເພີ່ມທະວີສາຍພົວພັນຮ່ວມມືມິດຕະພາບລະຫວ່າງປະຊາຊົນຫວຽດນາມ ແລະ ປະຊາຊົນໂລກ, ໃນນັ້ນມີປະຊາຊົນຈີນ. ທ່ານຫົວໜ້າຄະນະໂຄສະນາສຶກສາສູນກາງ Dinh The Huynh ຊີ້ແຈ້ງວ່າ:
“ເພື່ອປະຕິບັດໜ້າທີ່ຂອງຕົນເປັນຢ່າງດີ, ຄະນະບັນນາທິການໜັງສືພິມເຍີນເຢີນ ແລະ ຖັນແຖວພະນັກງານ, ນັກຂ່າວຂອງເວັບໄຊພາສາຈີນ ຕ້ອງຍົກສູງຄຸນນະພາບຂ່າວ, ບົດ, ຮູບພາບ, ຮັບປະກັນລັກສະນະແທ້ຈິງ, ດຶງດູດໃຈ, ຮັບປະກັນການກຳນົດທິດດ້ານການເມືອງທີ່ຖືກຕ້ອງ“.