ກອງປະຊຸມໃຫຍ່ຄັ້ງທີXIIຂອງພັກເສີມຂະຫຍາຍນຳ້ໃຈເປີດເຜີຍ,ປະຊາທິປະໄຕ
(ພາບປະກອບ)
(vovworld) – ບັນດາຜູ້ແທນເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີິ XII ຂອງພັກກອມມູນິດຫວຽດນາມ, ທີ່ພວມດຳເນີນຢູ່ຮ່າໂນ້ຍ, ໄດ້ສະແດງໃຫ້ເຫັນຄວາມໄວ້ເນື້ອເຊື່ອໃຈຕໍ່ລັກສະນະກົງໄປກົງມາທີ່ໄດ້ຍົກອອກໃນບົດລາຍງານຂອງຄະນະບໍລິຫານງານສູນກາງພັກຄັ້ງທີ XI, ກອງປະຊຸມໃຫຍ່ຄັ້ງທີິ XII ຈະບັນລຸຜົນສຳເລັດຢ່າງດີງາມ, ວາງອອກບັນດາທິດທາງໂດຍພື້ນຖານ, ຮອບດ້ານໃນວຽກງານກໍ່ສ້າງພັກ ແລະ ພັດທະນາປະເທດຊາດໃນອາຍຸການຈະມາເຖິງ ແລະ ໃນຊຸມປີຕໍ່ໄປ. ທ່ານ ຟານວັນສື, ຜູ້ແທນແຂວງ ໄຕນິງ ກ່າວວ່າ.
“ເຂົ້າຮ່ວມກອງປະຊຸມໃຫຍ່, ເມື່ອໄດ້ຮັບຟັງບົດລາຍງານການເມືອງຢ່າງໂດຍກົງ ກໍຄືບົດລາຍງານຂອງທ່ານເລຂາທິການໃຫຍ່ ທີ່ສະເໜີໃນກອງປະຊຸມໃຫຍ່, ຂ້າພະເຈົ້າມີຄວາມໄວ້ເນື້ອເຊື່ອໃຈຢ່າງເລິກເຊິ່ງທີ່ສຸດວ່າ ກອງປະຊຸມໃຫຍ່ຂອງພວກເຮົາຈະບັນລຸຜົນສຳເລັດ ແລະ ບັນດາມະຕິຂອງກອງປະຊຸມໃຫຍ່ ຈະໄດ້ຮັບການຜັນຂະຫຍາຍເຂົ້າໃນຊີວິດຕົວຈິງຢ່າງມີປະສິດທິຜົນ, ປະກອບສ່ວນຊຸກຍູ້ໃຫ້ປະເທດຊາດພັດທະນາຢ່າງໄວກວ່າ, ຮອບດ້ານ ແລະ ໝັ້ນຄົງກວ່າໃນໄລຍະຈະມາເຖິງ”.
ສ່ວນທ່ານຮ່ວາງວັນຕ່ວານ, ຜູ້ແທນ ແຂວງວິງຟຸກ ໄດ້ຖືວ່າ.
“ດ້ວຍບັນຍາກາດລວມສູນປະຊາທິປະໄຕ, ບັນດາຜູ້ແທນຈະເຮັດວຽກດ້ວຍຄວາມຮັບຜິດຊອບ ຂອງຕົນ, ປະກອບຄຳເຫັນໃສ່ບັນດາເອກະສານສຳຄັນຂອງພັກ, ປະກອບສ່ວນໃຫ້ແກ່ການຄັດເລືອກຜູ້ທີ່ມີຄຸນສົມບັດ, ມີຄວາມເກັ່ງກ້າສາມາດຢ່າງພຽງພໍເຂົ້າຮ່ວມຄະນະບໍລິຫານງານສູນກາງພັກ, ເຂົ້າຮ່ວມກົມການເມືອງ, ຄະນະເລຂາທິການ ແລະ ເຂົ້າຮ່ວມບັນດາຕຳແໜ່ງຫຼັກແຫຼ່ງຂອງພັກ ແລະ ລັດ, ສືບຕໍ່ຊີ້ນຳນຳພາປະເທດຊາດຜ່ານຜ່າຄວາມຫຍຸ້ງຍາກ, ສິ່ງທ້າທາຍໃນໄລຍະປະຈຸບັນ, ຍູ້ແຮງການພັດທະນາປະເທດຊາດ, ປົກປັກຮັກສາອະທິປະໄຕ ແລະ ຜືນແຜ່ນດິນອັບຄົບຖ້ວນຂອງປະເທດຊາດໄວ້ຢ່າງໝັ້ນຄົງ ແລະ ສຸມໃສ່ປັບປຸງການກໍ່ສ້າງພັກ ໃຫ້ນັບມື້ນັບໝັ້ນຄົງເຂັ້ມແຂງ”.