ຈັດກອງປະຊຸມຂ່າວກ່ຽວກັບກອງປະຊຸມໃຫຍ່ຄັ້ງທີິ12ຂອງພັກ
ຈັດກອງປະຊຸມຂ່າວກ່ຽວກັບກອງປະຊຸມໃຫຍ່ຄັ້ງທີິ12ຂອງພັກ
(ພາບ: news.zing)
(vovworld) – ຕອນເຊົ້າວັນທີ 18/01, ຢູ່ຫໍປະຊຸມແຫ່ງຊາດ ມິ້ງດິ່ງ, ຮ່າໂນ້ຍ, ໄດ້ດຳເນີນພິທີໄຂສູນການຂ່າວ ແລະ ປະຊຸມຂ່າວກ່ຽວກັບກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ. ເຂົ້າຮ່ວມພິທີມີທ່ານກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ດິງເທີຮີນ; ທ່ານຫົວໜ້າຄະນະພົວພັນຕ່າງປະເທດສູນກາງ ຮ່ວາງບິ່ງກວນ ພ້ອມກັບຜູ້ຕາງໜ້າບາງກະຊວງ, ຂະແໜງການຂັ້ນສູນກາງ. ສູນການຂ່າວທີ່ກອງປະຊຸມໃຫຍ່ຄັ້ງທີ 12 ມີໜ້າທີ່ຄຸ້ມຄອງການເຄື່ອນໄຫວສື່ມວນຊົນທີ່ກອງປະຊຸມໃຫຍ່; ຈັດຕັ້ງການບໍລິຫານ, ສະໜອງຂໍ້ມູນຂ່າວສານ, ເອກະສານ, ແນະນຳບັນດາອົງການສື່ມວນຊົນປະຕິບັດໜ້າທີ່…
ກ່າວຄຳເຫັນທີ່ກອງປະຊຸມຂ່າວ, ທ່ານ ດິງເທີຮີນ, ໄດ້ແຈ້ງໃຫ້ຊາບໂດຍຫຍໍ້ກ່ຽວກັບກອງປະຊຸມໃຫຍ່ຄັ້ງທີ 12 ຂອງພັກ. ກອງປະຊຸມໃຫຍ່ຄັ້ງນີ້ມີຫົວຂໍ້ວ່າ “ເພີ່ມທະວີການກໍ່ສ້າງພັກໃຫ້ປອດໃສ, ເຂັ້ມແຂງ; ເສີມຂະຫຍາຍກຳລັງແຮງຂອງທົ່ວປວງຊົນທັງຊາດ ແລະ ປະຊາທິປະໄຕສັງຄົມນິຍົມ; ຍູ້ແຮງພາລະກິດປ່ຽນໃໝ່ຢ່າງຮອບດ້ານ, ຄົບຊຸດ; ປົກປັກຮັກສາປະເທດຊາດຢ່າງໝັ້ນຄົງ, ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ; ສູ້ຊົນນຳຫວຽດນາມ ໃຫ້ກາຍເປັນປະເທດອຸດສາຫະກຳ ແລະ ທັນສະໄໝໂດຍໄວ”. ກອງປະຊຸມໃຫຍ່ຈະຕີລາຄາການປະຕິບັດມະຕິກອງປະຊຸມໃຫຍ່ຄັ້ງທີ 11 ແລະ ທົບທວນຄືນໄລຍະ 30 ປີແຫ່ງການປ່ຽນໃໝ່ປະເທດຊາດ; ກຳນົດທິດທາງ, ເປົ້າໝາຍ, ໜ້າທີ່ ແລະ ບັນດາມາດຕະການສ້າງສາ ແລະ ພັດທະນາປະເທດຊາດໃນໄລຍະ 5 ປີຈະມາເຖິງ.…
ກ່ຽວກັບວຽກງານກະກຽມບຸກຄະລາກອນໃຫ້ກອງປະຊຸມໃຫຍ່, ທ່ານລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານ ເຈືອງມິງຕ໋ວນ, ໃຫ້ຮູ້ວ່າ.
“ວຽກງານກະກຽມບຸກຄະລາກອນໃຫ້ກອງປະຊຸມໃຫຍ່ຄັ້ງທີ 12 ຂອງພັກ ໄດ້ຮັບການປະຕິບັດຢ່າງປະຊາທິປະໄຕ, ເຂັ້ມງວດ, ຖືກຕາມລະບຽບການ ແລະ ຂໍ້ກຳນົດຂອງພັກ. ເລື່ອງບຸກຄະລາກອນຄະນະບໍລິຫານງານສູນກາງພັກ, ບັນດາຕຳແໜ່ງຫຼັກແຫຼ່ງ, ສຳຄັນຈະໄດ້ຮັບການປະກາດເມື່ອມີໝາກຜົນການເລືອກຕັ້ງຖືກຕາມຂໍ້ກຳນົດຂອງກອງປະຊຸມໃຫຍ່”.